അപരാജിതന്‍ 28 [Harshan] 9797

ഉള്ളോരുപാട് വിങ്ങുന്നുണ്ട് ,കണ്ണുകള്‍ പോലും തന്‍റെ അനുവാദം ചോദിക്കാതെ നിറഞ്ഞു തുടങ്ങിയിരുന്നു.

ഒന്പതേകാൽ ആയി

വരനും കൂട്ടരും എത്തിയിട്ടില്ല.

ആദിയും നന്ദു മാമനും പുറത്തു നിന്നും വേഗം മണ്ഡപത്തിലേക്ക് വന്നു.

അവിടെ നിൽക്കുകയായിരുന്ന റെഡ്ഢി മുത്തശ്ശനോടു എന്തൊക്കെയോ പറഞ്ഞു

അദ്ദേഹം ഗൗരവം നിറഞ്ഞ മുഖത്തോടെ ജഗന്നാഥനെ നോക്കി

ആദി വേഗം ജഗന്നാഥൻറെ അടുത്തേക്ക് ചെന്നു

‘ശങ്കരാ ,,,എന്താ അവരെ കാണുന്നില്ലല്ലോ ?”

“അവര് വരില്ല ,,,” ആദി പറഞ്ഞു

“വരില്ലെന്നോ ,, ?” ഞെട്ടി ജഗന്നാഥൻ എഴുന്നേറ്റു

“അതെന്താ ,,,,,?’

“ആദി ഉറക്കെ പറഞ്ഞു

“നീ തന്നെ കാരണം ,,, ” ആദി അവന്‍റെ കഴുത്തിനു പിടിച്ചു എഴുന്നേൽപ്പിച്ചു.

“അവളെ സ്വന്തമാക്കാൻ നീ എന്തും ചെയ്യുമെന്ന് അറിയാമായിരുന്നു ,,പക്ഷെ ഈ നാറിയ പണി നീ കാണിക്കുമെന്നറിഞ്ഞില്ല ” ആദി ജഗന്നാഥനെ ചവിട്ടി , ജഗന്നാഥൻ പിന്നിലേക്ക് വീണു

“ശങ്കരാ ,,,എനിയ്ക്കൊന്നും അറിയില്ലടാ ,,,ഞാൻ ഒന്നും ചെയ്തിട്ടില്ലെടാ ,,” ജഗന്നാഥ൯ ഭയത്തോടെ പറഞ്ഞു

“നീ ഒന്നും ചെയ്തില്ലല്ലേ ,,,” എന്നുപറഞ്ഞു കൊണ്ട് ആദി അവനെ എഴുന്നേൽപ്പിച്ചു കഴുത്തിനു പിടിച്ചു വീണ്ടും മുൻപിലേക്ക് തള്ളി ,, അവൻ നില തെറ്റി പോയി മണ്ഡപത്തിനു മുന്നിൽ ഇടിച്ചു വീണു

ആകെ ബഹളം കേട്ട് എല്ലാവരും എഴുന്നേറ്റു

“ഈ ആദിശങ്കരന്‍ നീരുവിന് ഒരു വാക്ക് കൊടുത്തിരുന്നു ,ഒരു തടസവുമില്ലാതെ അവളുടെ വിവാഹം നടത്തുമെന്ന് , പക്ഷേ നീ ,, ചതിക്കായിരുന്നു അല്ലേടാ നായെ “ ആദി ഉറക്കെ കോപം കൊണ്ട് പറഞ്ഞു

ജഗന്നാഥൻ പേടിയോടെ എഴുന്നേറ്റ് വേഗം റെഡ്ഢിയെ നോക്കി.

അദ്ദേഹവും കോപത്തോടെ നില്‍ക്കുകയായിരുന്നു.

“മുത്തശ്ശാ ,,,’ പെട്ടെന്ന് തെറ്റ് മനസ്സിലാക്കിയ അവൻ “പെരിയോരെ ,,,,എന്‍റെ മരിച്ചു പോയ അമ്മ സത്യമായും ഞാൻ ഒരു തെറ്റും ചെയ്തിട്ടില്ല ,,ഞാൻ പോയി കാലു പിടിച്ചാണെങ്കിലും അവരെ കൊണ്ട് വരാം ,, ”

അതിനു നീയാരാടാ നായെ ” എന്നുപറഞ്ഞു കൊണ്ട് ആദി അവന്‍റെ നെഞ്ചിൽ പിടിച്ച തള്ളി ചെറിയ മണ്ഡപത്തിലേക്ക് വീഴിച്ചു.അത് കണ്ടു നിരുപമ വേഗം എഴുന്നേറ്റു

ജഗന്നാഥനാകെ വിഷമമായി , അവന്‍ പേടിയോടെ നീരുവിനെ നോക്കി കൈകള്‍ കൂപ്പി

“നീരു,,സത്യായും ഞാനൊന്നും ചെയ്തിട്ടില്ല ,, എനിക്കൊന്നും അറിയില്ലാ,,എന്‍റെ അമ്മ സത്യമായും അറിയില്ല ‘ അവൻ കരഞ്ഞു കൊണ്ട് പറഞ്ഞു

“നിനക്കൊന്നുമറിയില്ലല്ലേ ,, നിന്നെ കൊണ്ട് ഞാന്‍ പറയിപ്പിക്കാമെടാ “ എന്നു ഉറക്കയലറിക്കൊണ്ടുആദി അവന്‍റെ നെഞ്ച് നോക്കി ചവിട്ടാൻ കാലുയർത്തിയതും

“ആദി ………” എന്നുറക്കെ വിളിച്ചു കൊണ്ട് നിരുപമ ആദിയുടെ മുന്നില്‍ വന്നു നിന്നു.

അവന്‍ ഉയര്‍ത്തിയ കാല്‍ താഴെ വെച്ചു