അപരാജിതന്‍ 28 [Harshan] 9797

ജഗന്നാഥന്‍ എല്ലാവരെയും കണ്ടു പുറത്തേക്കിറങ്ങി കൈകൾ കൂപ്പി

എല്ലാവരുടെയും മുന്നിൽ മുട്ടു കുത്തി നിന്നു.

“നിന്നെ ആരെടാ നായെ ,,ഈ പറമ്പിൽ കയറാൻ പറഞ്ഞത് , നിന്‍റെ തള്ള പോയപ്പോ പിണ്ഡം വച്ചതെല്ലേ ,,,നിന്നെ അടിച്ചിറക്കിയതല്ലേ ഇവിടെ നിന്നും ?’ മുതിര്‍ന്ന മകന്‍ ചന്ദ്രനാഥൻ കോപത്തോടെ ചോദിച്ചു

“ചന്ദ്രാ ,,,,വേണ്ടാ ,,,അവൻ വന്നത് ശരണം ചോദിച്ചാണ് ,,,,അവനെ ഇറക്കി വിടാൻ നമുക്ക് അനുവാദമില്ല ,,ജഗന്നാഥ സ്വാമി അത് പൊറുക്കില്ല ” റെഡ്ഢി മുത്തശ്ശൻ പറഞ്ഞു

“പറ ,,,,,,എന്താ നിനക്ക് വേണ്ടത് ?” ഗോവിന്ദ റെഡ്ഢി അവനോടു ചോദിച്ചു

“രണ്ടു ആവശ്യങ്ങൾ എനിക്കുണ്ട് പെരിയോരെ ”

“ഒരു ദിവസം രണ്ടാവശ്യങ്ങൾ സാധിക്കില്ല ,, നിനക്കറിയുന്നതല്ലേ ,,,,,” ഗോവിന്ദ റെഡ്ഢി ജഗന്നാഥനോടു പറഞ്ഞു

“എന്താ നിന്‍റെ ആദ്യത്തെ ആവശ്യം ,,അത് എന്നാല്‍ സാധിക്കുന്നതെങ്കില്‍ നടത്തി തരാം “

“എനിക്ക് നീരുവിനെ തരണം ,, “ അവൻ കൈകൾ കൂപ്പി പറഞ്ഞു

എല്ലാവരും അത് കേട്ട് നടുങ്ങി

കല്യാണം നടക്കാൻ പോകുന്ന പെണ്ണിനെ ബുദ്ധിപരമായി ജഗന്നാഥൻ ശരണം ചോദിച്ചു നേടിഎടുക്കാൻ ശ്രമിക്കുന്നു.

അത് കേട്ടതും കോപം കൊണ്ട് അവനെ കൊല്ലും എന്ന പോലെ നിരുപമയുടെ നാലു മാമന്മാരും അവനു നേരെ വന്നു.

“നിൽക്ക് …….” ഗോവിന്ദ റെഡ്ഢി ഉറക്കെ പറഞ്ഞു

“ഈ സിവെല്ലൂരി കുടുംബത്തിന് ഒരു പാരമ്പര്യമുണ്ട് ,,അത് ഞാനായി തെറ്റിക്കില്ല ,,,,ജഗന്നാഥാ ഇവിടെ വാ ”

അത് കേട്ട് ജഗന്നാഥൻ മടിച്ചു മടിച്ചു ഗോവിന്ദ റെഡ്ഢിയുടെ സമീപം വന്നു നിന്നു.

“നാളെ എന്‍റെ കൊച്ചുമകൾ നിരുപമയുടെ വിവാഹമാണ് ,, വിവാഹദിനത്തിന്‍റെ തലേന്നാണ് ഇങ്ങനെ വന്നു ചോദിക്കുന്നത് ,,,,”

അവൻ തല കുലുക്കി

“മോളെ ,,,,,ഇങ്ങോട്ട് വാ ,,,,,’ അദ്ദേഹം നീരുവിനെ നോക്കി വിളിച്ചു

അത് കേട്ടു നീരു ഭയത്തോടെ അദ്ദേഹത്തിന്‍റെ സമീപം ചെന്നു.

“മോളെ ,,,,പരമ്പരയായി തുടർന്നു പോരുന്ന ആചാരത്തിന്‍റെ പുറത്താണ് അവൻ വന്നു നിന്നെ ചോദിച്ചത് ,, ഞാൻ നിന്നോട് സമ്മതം ചോദിക്കുന്നില്ല , എന്‍റെ ആഗ്രഹത്തിന് നീ എതിര് നിന്നിട്ടില്ല ,,എന്നറിയാം ”

അദ്ദേഹം നീരുവിന്‍റെ കൈ പിടിച്ചു

“ജഗന്നാഥാ ,,,,, നിന്‍റെ ‘അമ്മയെ ഇവിടെ നിന്നും പടിയടച്ചു പിണ്ഡം വെച്ചതാണ് ,, അവളിൽ പിറന്ന നീയും ഞങ്ങള്ക് അങ്ങനെ തന്നെ ,,,, ഇതാ ,,,നിരുപമയെ നീ എടുത്തു കൊള്ളൂ ,,, “:

അദ്ദേഹം നിരുപമയെ അവനു മുന്നിൽ നിർത്തി

എല്ലാവരും അതുകണ്ടു ഞെട്ടിപോയി