അപരാജിതന്‍ 28 [Harshan] 9801

“ഇക്കഴിഞ്ഞ ദിവസങ്ങളിൽ എന്‍റെ മുത്തശ്ശനും മാമന്മാരും ഒക്കെ എത്ര സന്തോഷത്തിലായിരുന്നു എന്ന് കണ്ടതല്ലേ ,,,,”

“ഹമ് ,,കണ്ടിരുന്നു “

“എന്‍റെ അച്ഛനും അമ്മയും പോയ ശേഷം ഒരു കുറവും അറിയിക്കാതെയാ എന്നെ ഈ കുടുംബം വളർത്തിയത് ,, ഒരു വാക്കുകൊണ്ടോ നോക്ക് കൊണ്ടോ പോലും ആരും എന്നെ നോവിക്കുക പോലും ചെയ്തിട്ടില്ല ,, ”

“ചൈതന്യ മാമി ,, അങ്ങനെ ഒരു ഇറങ്ങി പോക്ക് നടത്തിയത് കാരണം ഈ കുടുംബത്തിൽ എത്ര അപമാനം ഉണ്ടായി എന്നൊക്കെ ഞാൻ കേട്ട് തന്നെയാ വളർന്നത് ,, മുത്തശ്ശന്‍റേ അച്ഛന്‍ ഹൃദയം പൊട്ടി മരിച്ചു, അതൊന്നും കണ്ടില്ല എന്ന് വെക്കാന്‍ എന്നെകൊണ്ടാകില്ല,, ഞാനായി ഒരിക്കലും ഈ കുടുംബത്തെ വിഷമിപ്പിക്കില്ല ,,, എന്‍റെ മുത്തശ്ശന്‍റേയും മുത്തശ്ശിയുടെയും മാമന്മാരുടെയും ഒക്കെ സന്തോഷമാ എന്‍റെ സന്തോഷം ,,,,അതിനപ്പുറം ഒന്നുമെനിക്കില്ല ,,,ഒരു സ്വര്‍ഗ്ഗവും എനിക്കു വേണ്ടാ ,, ,,”

നിരുപമ വേഗം അവിടെ നിന്നും നടന്നു നീങ്ങി.

ആദി അല്പം നേരം അങ്ങനെ തന്നെ നിന്നു. ജഗന്നാഥ നാരായണനെ ഒന്നു നോക്കി.പിന്നെ വേദിയിലേക്ക് നടന്നു

നിരുപമ ജഗന്നാഥനെ ഒരിക്കലും ഇഷ്ടപെടുന്നില്ല.

പക്ഷെ അവൾക്ക് ജഗന്നാഥനെ കിട്ടാതെ പോയാൽ അതിലു൦ വലിയൊരു നഷ്ടം പിന്നെ വേറെന്ത് എന്നത് അവനെ ഏറെ ചിന്തിപ്പിച്ചിരുന്നു.

പക്ഷെ അവളിഷ്ടപ്പെടുന്നത് അനിരുദ്ധനെ എങ്കിൽ ജഗന്നാഥന് അവളെ കിട്ടാതെ പോയാൽ ???

അവനാകെ ഭ്രാന്ത് പിടിക്കുന്ന പോലെയായി

<<<<<O>>>>>

സമയം എട്ടു മണി ആയി

അവിടെ നൃത്ത നൃത്ത്യങ്ങളും മേളങ്ങളും അരങ്ങേറി കൊണ്ടിരിക്കുകയാണ്.

താളവും മേളവും സംഗീതവും അങ്ങനെ എല്ലാം

പെട്ടെന്നാണ്

ഉച്ചത്തിൽ നിർത്താതെ മണി മുഴങ്ങുന്നത് കേട്ടത്.

അതോടെ മറ്റെല്ലാ ശബ്ദവും നിർത്തി

എല്ലാവരും മണിമുഴക്കം ശ്രദ്ധിച്ചു

എല്ലാവരും വേഗം സ്വാമി ജഗന്നാഥന്‍റെ മണി ഗോപുരത്തിലേക്ക് നടന്നു

മണി മുഴക്കി കൊണ്ടിരുന്നയാളെ കണ്ടപ്പോള്‍ എല്ലാവരും അത്ഭുതപ്പെട്ടു.

സിവെല്ലൂരി കുടുംബത്തിന്‍റെ ശത്രുവായ ജഗന്നാഥ൯ ,

സ്വാമി ജഗന്നാഥന് മുന്നില്‍ ശരണം അര്‍ത്ഥിച്ചുകൊണ്ടു മണി മുഴക്കുന്നതായിരുന്നു.