അപരാജിതന്‍ 28 [Harshan] 9801

ആദി കാറിൽ തന്‍റെ ജീപ്പ് കിടന്നയിടത്ത് എത്തി.

അവിടെ നിന്നും ജീപ്പുമെടുത്ത് ക്ഷേത്രത്തിലേക്ക് പുറപ്പെട്ടു.

ക്ഷേത്രത്തിൽ ആഭരണങ്ങൾ പൂജ ചെയ്തു നിരുപമ കയ്യിൽ വാങ്ങിച്ചു.

അവിടെ നിന്നും അവർ മാളികയിലേക്ക് തിരിച്ചു.

അവിടെ എത്തി കഴിഞ്ഞു എല്ലാവരും വസ്ത്രമൊക്കെ മാറി കുളിച്ചു ചടങ്ങുകളിലേക്ക് തിരിഞ്ഞു.

അവിടെയും എല്ലാവരും ആദിയെ ഒരുപാട് പുകഴ്ത്തി.

എല്ലാർക്കും അവനോടു ഒരുപാട് സ്നേഹവും നന്ദിയും ഉണ്ടായിരുന്നു.

അവനില്ലായിരുന്നുവെങ്കിൽ ഒരുപക്ഷെ കല്യാണമേ മുടങ്ങുന്ന അവസ്ഥയുണ്ടാകുമായിരുന്നു.

വൈകീട്ട് ആറു മണിയോടെ

വരനും കൂട്ടരും എത്തി.

അന്ന് വൈകുന്നേരമുള്ള മഹാലക്ഷ്മി പൂജകൾ തുടങ്ങുവാനായി പൂജാരിയെ കാത്തു നിൽക്കുന്ന സമയം

ആദിക്ക് എത്രയൊക്കെ ആലോചിച്ചിട്ടും മനസ്സ്‌ ആകെ അസ്വസ്ഥമായിരുന്നു.

നീരുവിനോട് ജഗന്നാഥനെ കുറിച്ച് പറയണോ വേണ്ടയോ എന്നുള്ള സംശയം

നീരു അതറിയുകയെങ്കിലും വേണ്ടേ ,,,അവന്‍റെ സ്നേഹം ,,

ഏഴരയോടെ പൂജ കഴിഞ്ഞപ്പോള്‍

ആദി കിട്ടിയ ഒഴിവില്‍ നീരുവിനെയും വിളിച്ച് കൊണ്ട് മണിഗോപുരത്തിന് സമീപം വന്നു നിന്നു.

അവിടെ ജഗന്നാഥനാരായണ വിഗ്രഹത്തിന് മുന്നില്‍ നിന്നു കൊണ്ട് താൻ കണ്ടതും അറിഞ്ഞതും എല്ലാം അവളോട് വിശദമായി പറഞ്ഞു.

“നീരു ,,ഇത് പറയണമെന്നു തോന്നി ,, അത്രക്കും അവനു നിന്നെ ഇഷ്ടമാ ആ സ്നേഹം നിനക്ക് കിട്ടാതെ പോകുമോ എന്ന് പോലും ഞാൻ ഭയപ്പെടുകയാ , ഈ ഒരു സമയത്ത് ഇത് പറയുന്നത് മറ്റൊന്നിനും വേണ്ടിയല്ല ,, ഈ ഇഷ്ടം നീ അറിയാതെ പോകരുത് എന്ന് മനസിലുള്ളത് കൊണ്ടാ ,,,,”

നിരുപമ എല്ലാം കേട്ട് നിന്നു

അവളുടെ മുഖത്ത് യാതൊരു ഭാവവ്യത്യാസങ്ങളും ഉണ്ടായിരുന്നില്ല

“എന്താ നീരു ,,,നീയൊന്നും മിണ്ടാത്തത് ?” ആദി ചോദിച്ചു