അപരാജിതന്‍ 28 [Harshan] 9797

“മുത്തശ്ശാ ,,,,, ഇവിടെ ഞാൻ നോക്കിക്കൊള്ളാം ,,,വേഗം പോ ,,,,,,,,,” അവൻ വീണ്ടും അലറി

ഗോവിന്ദ റെഡ്ഢി വേഗം ഏർകാലിൽ കാൽവെച്ചു കാളകളെ ചമ്മട്ടി കൊണ്ട് വീശി. അതോടെ കാളകൾ ഇതുവരെ പോയതിലും വേഗത്തിൽ മുന്നോട്ടു കുതിച്ചു

വലതു വശത്തു അതിവേഗം ചക്രം കറങ്ങുന്നു. ഇടതു വശത്തു ചക്രത്തിനു പകരം ചക്രം ബന്ധിച്ച ഇരസ്സ് കൈയിൽ ഉയർത്തി ഒരു ചക്രത്തിനു പകരമായി ആദിയും ഓടുന്നു.

“പോ ,,,,,,,,,വേഗം പോ ,,,,,,,,,,” ആദി ഉറക്കെയലറി

“ജഗന്നാഥാ ,,,,,,” എന്ന് വിളിച്ചുകൊണ്ടു മുത്തശ്ശൻ കയർ വലിച്ചു വിട്ടു

കാളകൾ അതിവേഗമോടി

യാതൊരു ക്ഷീണവും ഇല്ലാതെ കാളകളുടെ വേഗത്തിൽ ആദിയും.

മുന്നിൽ മുന്നേറികൊണ്ടിരുന്ന ഓരോരോ കാളവണ്ടികളെയും സിവെല്ലൂരി കാളവണ്ടി വെട്ടിച്ചു കയറി കൊണ്ടിരുന്നു.സിവെല്ലൂരി കുടുംബക്കാർ ആ കാഴ്ച കണ്ടു ആശ്ചര്യത്തിലായിരുന്നു

“നന്ദു മാമ൯ ഭയത്തോടെ തലക്ക് കൈ കൊടുത്തു നിന്നു.

അപ്പുവിനെന്തെങ്കിലും പറ്റിയാല്‍ പദ്മാവതി ഏട്ടത്തിയോട് എന്തു സമാധാനം പറയുമെന്നദ്ദേഹം ഓര്‍ത്ത് പോയിരുന്നു.

“വേഗം പോ ,,,മുത്തശ്ശാ ,,,,,,” ആദി വീണ്ടുമലറി

അതുകേട്ട് മുത്തശ്ശന്‍ ചമ്മട്ടി കൊണ്ട് ആഞ്ഞു വീശി.

സിവെല്ലൂരി കാളകൾ അതിവേഗം മുന്നോട്ടു ഇരച്ചു കയറിക്കൊണ്ടിരുന്നു.

ഏറ്റവും മുന്നിൽ പോകുന്ന ജഗന്നാഥനോട്ടുന്ന കാളവണ്ടിയുടെ പുറകിലെത്തി. ജഗന്നാഥൻ പിന്തിരിഞ്ഞു നോക്കുമ്പോൾ ചക്രത്തിന്‍റെ വശം കൈയ്യിൽ പിടിച്ചുയർത്തി ഓടിക്കൊണ്ടു തന്‍റെ സമീപമെത്തുന്ന സിവെല്ലൂരി കാളവണ്ടി

ദേഷ്യം കൊണ്ട് ജഗന്നാഥൻ ചമ്മട്ടിക്കു കാളകളെ വീശിയടിച്ചു വേഗം കൂട്ടാൻ ശ്രമിച്ചുകൊണ്ടിരുന്നു.

ഗോവിന്ദ റെഡ്ഢി മുത്തശ്ശൻ കയർ വലിച്ചു വീണ്ടും വീണ്ടു൦ കാളകളെ പായിച്ചു കൊണ്ടിരുന്നു. അതിവേഗത്തിൽ ആദിയും ഓടിക്കൊണ്ടിരുന്നു

ഫിനിഷിംഗ്‌ പോയിന്റിലേക്ക് പത്തുമീറ്റർ മാത്രം

ജഗന്നാഥ്‌നറെ കാളകൾ ഫിനിഷിങ് പോയിന്റിനു നേരെ കുതിച്ചു

അഭിമാനത്തോടെ ജഗന്നാഥൻ വലത്തേക്ക് നോക്കിയപ്പോൾ തന്‍റെ കാളവണ്ടിയെയും കവച്ചുമുന്നേറി സിവെല്ലൂരി ഗോവിന്ദ റെഡ്ഢി തെളിച്ച കാളകൾ ഫിനിഷിങ് പോയിന്റ്ലേക്ക് കയറുന്നത് കണ്ടു ,