അപരാജിതന്‍ 28 [Harshan] 9801

ഉള്ളിൽ ഒരുമിച്ചു കൂടിയവർ പിന്നിലേക്ക് തിരിഞ്ഞു

ആദി വേഗം മണ്ണിൽ വീണു കിടന്ന ഭാരമുള്ള മരഗദ കയ്യിലെടുത്തു.

ഇടതു ഭാഗത്തു നിന്നവനവനെ ആക്രമിക്കും മുൻപ് തന്നെ അയാളുടെ നെഞ്ചിൽ മരഗദ ഉയർത്തി വീക്കി നിലത്തിരുത്തു ചവിട്ടി മറച്ചു.

ഇടത്തെ കയ്യിൽ ഭാരമേറിയ ഗദയും പിടിച്ചോടി എതിർഭാഗത്തു നിന്നയാളുടെ എളിയിൽ ചവിട്ടി കയറി കഴുത്തിന് പിന്നിൽ വലം കൈകൊണ്ട് മുറുക്കി നിലത്തേക്ക് ചാടി അയാളെ മണ്ണിൽ കമഴ്തിതി ഇട്ടുകൊണ്ട് നടുവില് ചവിട്ടി കളത്തിലേക്ക് അമർത്തി

ചവിട്ടിന്‍റെ ശക്തിയിൽ മണ്ണുകുഴിഞ്ഞയാൾ കീഴേക്കു അമർന്നു പോയി

അമ്പലത്തിൽ സ്വർണ്ണം സമർപ്പിക്കേണ്ട സമയം ആയികൊണ്ടിരിക്കുന്നു.

അവൻ വേഗം ഗദ ചുഴറ്റി നാലുപാടും ഓടികൊണ്ടു കളത്തിൽ അവനെ ആക്രമിക്കാൻ നിൽക്കുന്ന സകലരെയും കഴുത്തിലും നെഞ്ചിലും കാലിലും പ്രഹരിച്ചു വീഴ്ത്തി.

“,സോറി ,,,,സമയമില്ലാഞ്ഞിട്ടാ ,,,” അവൻ അവരോടു ക്ഷമാപണ൦ നടത്തി

അഖാഡ ഗുരു അല്പം ഭയന്ന പോലെ

അയാൾ തന്‍റെ മരഗദയിൽ മുറുകെ പിടിച്ചു

അയാൾ നല്ലപോലെ വിയർക്കുന്നുണ്ടായിരുന്നു.

“പൊലയാടി മോനേ ,, അഖാഡ കളത്തിൽ നിയമം തെറ്റിക്കാൻ നീ തന്നെ പറഞ്ഞു കൊടുത്തു ,, നിനക്ക് ഇതിലും വലുത് ഞാൻ തരാം ” ആദി അതിവേഗം അയാൾക്ക്‌ നേരെ കുതിച്ചു

അയാളുടെ ലങ്കോട്ടിയുടെ മുൻവശത്തെ കെട്ടിൽ പിടിച്ചു കൊണ്ട് മുകളിലേക്ക് ഉയർത്തി

വലിയ ശരീരമുള്ള ആ ആൾ അവന്‍റെ ഒറ്റകൈബലത്തിൽ മുകളിലേക്ക് ഉയർന്നുഅയാൾ കൈകാലിട്ടടിച്ചു കൊണ്ടിരുന്നു

ആദി അയാളെ നിലത്തേക്ക് ശക്തിയിൽ ഇട്ടു കൊണ്ട് അയാളുടെ കാലിൽ പിടിച്ചു യർത്തി അവൻ വട്ടം കറങ്ങി . അവൻ കറങ്ങുന്നതിനനുസരിച്ച് അയാളുടെ ശരീരവും വട്ടം കറങ്ങി

ഡിസ്കസ് എറിയുന്ന പോലെ അയാളെ മുകളിലേക്കു ശക്തിയിൽ എറിഞ്ഞു

അയാൾ മുകളിലേക്കു തെറിച്ചു വീണത് വജ്രാ൦ഗബലി പ്രതിമയിലേക്കും

തലപോയി ശക്തിയിൽ കരിങ്കൽ പ്രതിമയുടെ മുഖത്ത് ഇടിച്ചു കൊണ്ട് അയാൾ ശക്തിയിൽ നിലത്തേക്ക് വീണു , പ്രതിമയുടെ പാദങ്ങളിൽ ചോരവാർന്നു ബോധം കെട്ടു കിടന്നു.

ഫയൽവാൻമാർ സകലരും വീണപ്പോൾ അവൻ ചുറ്റും നോക്കി

എന്നിട്ടു അഖാഡ കളത്തിൽ തൊട്ടു വണങ്ങി പുറത്തേക്കിറങ്ങി.

അപ്പോളേക്കും സിവെല്ലൂരികൾ അവനു സമീപ൦ വന്നു.

നന്ദുമാമനു അപ്പോളാണ് നല്ല ശ്വാസം വന്നതും

ജഗന്നാഥൻ അവിടെഎങ്ങുമില്ല

ആദി നോക്കുമ്പോൾ ജഗന്നാഥൻ കൈയിൽ ആമാടപെട്ടിയുമായി അവിടെയുള്ള ചെറു വഴിയിലൂടെ ഓടുന്നു.

അവൻ പെട്ടെന്ന് മുത്തശ്ശന്‍റേ കൈയിൽ നിന്നും തോക്കു പിടിച്ചു വാങ്ങി അയാൾക്ക് പുറകെ ഓടി

അവനു പുറകെ മറ്റുള്ളവരും