അപരാജിതന്‍ 28 [Harshan] 9801

“നമ്മളെന്താ ഇനി ചെയ്യുക , പോലീസിൽ അറിയിച്ചാലോ മുത്തശ്ശാ ” ആദി അദ്ദേഹത്തിന് സമീപം വന്നു ചോദിച്ചു

അദ്ദേഹം ഒന്നും മിണ്ടാതെ തോളിലിട്ട മുണ്ടിൽ കണ്ണുകൾ ഒപ്പി.

കുടുംബം ആകെ വിഷമത്തിലാണ്.

“ഇത് ജഗന്നാഥന്‍റെ വേല തന്നെയാണ് എന്ന് എല്ലാവര്ക്കും മനസിലായി, പക്ഷെ എവിടെയാണ് എങ്ങനെയാണ് എന്നറിയാതെ എന്ത് ചെയ്യും എന്നതായിരുന്നു സകലരെയും കുഴക്കിയതും.

അപ്പോളാണ്

ആ കുടുംബത്തോട് ആശ്രയപ്പെട്ടു നിൽക്കുന്ന ഒരു ഗ്രാമക്കാര൯ അങ്ങോട്ടേക്ക് ഓടിവന്നത്.

അയാൾ ആകെ അണക്കുകയായിരുന്നു.

ആദിയും ചേതനയുടെ സഹോദരന്മാരും അങ്ങോട്ടേക്ക് ഓടിചെന്നു.

“ഇവിടത്തെ സ്വർണ്ണം ജഗന്നാഥന്‍റെ ആളുകളാ കൊണ്ടുപോയത് ,,അത് ഹനുമന്താപേട്ടിലുണ്ട് ,ജഗന്നാഥനും ഉണ്ടവിടെ ,,, “ഹനുമന്താപേട്ടിലുണ്ട് എന്ന് കേട്ടപ്പോൾ എല്ലാവരും ഒന്ന് ഞെട്ടി.

വേമാവരത്തിനു പടിഞ്ഞാട്ടുള്ള അതിർത്തിയോടു ചേർന്നുള്ള ഗംഗമ്മഗൊണ്ട ഗ്രാമത്തിലുള്ള സ്ഥലമാണ് ഹനുമന്താപേട്ട്.

നൂറ്റാണ്ടുകൾക്ക് മുൻപേ മല്ലയുദ്ധപരിശീലനത്തിനായി വിവിധദേശങ്ങളിൽ നിന്നും യോദ്ധാക്കൾ വന്നിരുന്ന സ്ഥലമായിരുന്നു. ഹനുമന്താപേട്ട്. കാലം ചെന്നപ്പോൾ ഹനുമന്താപ്പേട്ടിന്‍റെ പ്രശസ്തിയൊക്കെ ക്ഷയിച്ചു, അവിടെയൊക്കെ കയ്യേറ്റങ്ങളായി.

ഇന്ന് ഹനുമന്താപേട്ട് ഫയൽവാൻമാരുടെ കേന്ദ്രമാണ്,ഫയൽവാൻമാ൪ മാഫിയ സംഘം പോലെയാണ് പ്രവര്‍ത്തിക്കുന്നത്, ജഗന്നാഥൻ നിയമവിരുദ്ധമായി നടത്തുന്ന പല കാര്യങ്ങളും നേടുന്നതിന് സഹായത്തിനായി ഒരു മാഫിയയെ ചെല്ലും ചെലവും കൊടുത്തു കൊണ്ട് നടക്കുന്നയിട൦ , അവിടെ ഇപ്പോള്‍ ഒരു അഖാഡാ കാലങ്ങളായി നടത്തികൊണ്ട് വരുന്നു

ക്ഷേത്രത്തിൽ സമയത്തിന് സ്വർണ്ണം സമർപ്പിക്കണം ഇല്ലെങ്കിൽ അപശകുനമാകും.

“വാ നമുക്ക് അവിടെ വരെ പോകാം ,, ഇതെന്തായാലും വെറുതെ വിടാനൊക്കില്ല ,,” ആദി കട്ടായം പറഞ്ഞു

അവൻ പറഞ്ഞത് കേട്ട് ചേതനയുടെ സഹോദരൻമാരും നന്ദു മാമനും വേഗം പുറത്തേക്കിറങ്ങി.

അന്നേരം

“നിൽക്ക് ” എന്നുള്ള കല്പന കേട്ട് അവർ തിരിഞ്ഞു നോക്കി

നോക്കുമ്പോൾ വീട്ടിലെ വലിയ തോക്കും കൈയ്യിൽ എടുത്തുകൊണ്ട് റെഡ്ഢി മുത്തശനും പുറത്തേക്ക് വരുന്നു.

രണ്ടു കാറുകളിൽ അവരെല്ലാവരും കയറി

ആദി അവന്‍റെ ജീപ്പുമെടുത്തു

അവർ അതിവേഗം ഗംഗമ്മഗൊണ്ട ഗ്രാമത്തിലെ ഹനുമന്താപേട്ട് അഖാഡയിലേക്ക് ഗമിച്ചു.

<<<<<O>>>>