അപരാജിതന്‍ 28 [Harshan] 9801

ആ മാളികകളുടെ മുന്നിലും വലിയ പന്തൽ കെട്ടിയിട്ടുണ്ടായിരുന്നു .

അവിടെ അവരെ പരിചരിക്കാൻ വേണ്ട അത്രയും പരിചാരകരെയും ഏർപ്പാടാക്കിയിരുന്നു.

വാഹനങ്ങളിൽ നിന്നും എണ്ണമറ്റ സമ്മാങ്ങൾ അടങ്ങിയ കിറ്റുകളും കുട്ടകളും എല്ലാം അവരുടെ മുന്നിൽ നിരത്തി വെച്ചു , കാണുന്നവരുടെ കണ്ണ് തള്ളി പോകുന്ന അത്രയും സമ്മാനങ്ങൾ

പയ്യന്‍റെ കഴുത്തിൽ വിലപിടിപ്പുളള സ്വർണ്ണമാല റെഡ്ഢിയുടെ ഇളയ മകൻ അണിയിച്ചു.പയ്യന്‍റെ അച്ഛനും അമ്മയ്ക്കും സഹോദരിക്കും സ്വർണ്ണമാലകൾ സമ്മാനിച്ചു

അവിടെ ഒരുമണിക്കൂറോളം വേണ്ട കാര്യക്രമങ്ങൾ നടത്തികൊണ്ടു ദൂരയാത്ര ചെയ്തു വന്ന അവരെ വിശ്രമിക്കാനായി വിട്ടു.

സിവെല്ലൂരി കുടുംബത്തിലെ ഗോവിന്ദറെഡ്ഢി മുത്തശ്ശൻ അടക്കം പാതിയോളം പേർ അവിടെ നിന്നും മാളികയിലേക്ക് തിരിച്ചു

മൂന്നു മണിക്കൂർ കൊണ്ട് പയ്യനും കുടുംബവും ഫ്രഷ് ആയി അവിടെ നിന്നും സിവെല്ലൂരി മാളികയിലേക്ക് തിരിക്കും , അവരെ അനുഗമിക്കാനായി റെഡ്ഢി മുത്തശ്ശന്‍റേ മകനും മരുമകനായ ആനന്ദ് മഹാദേവനും വേണ്ടപ്പെട്ട ബന്ധുക്കളും അവരോടൊപ്പം ആദിയും അവിടെ തന്നെ നിന്നു.

******

പത്തുമണിയോടെ

വരന്‍ അനിരുദ്ധനും കുടുംബവും സിവെല്ലൂരി കുടുംബത്തിലേക്ക് പോകുവാൻ തയ്യാറായി.

കാറിൽ അനിരുദ്ധനും അച്ഛനും  അമ്മയു൦ സഹോദരിയും കയറി

മറ്റുള്ളവർ ബസ്സുകളിലും

വാഹനങ്ങൾക്ക് അകമ്പടി സേവിച്ചു കൊണ്ട് സിവെല്ലൂരി വീട്ടുകാരുടെ വാഹനങ്ങളും മുന്നിലും പിന്നിലുമായി പുറപ്പെട്ടു. ആദി ഏറ്റവും മുൻപിൽ ജീപ്പിൽ തന്നെയുണ്ടായിരുന്നു.

അവൻ ഏതു നിമിഷവും ജഗന്നാഥന്‍റെ ആക്രമണ൦ പ്രതീക്ഷിച്ചു തന്നെയാണ് മുൻപോട്ടു പോയികൊണ്ടിരുന്നതും.

ഇടക്കവ൯ കണ്ണാടിയിലൂടെ പിന്നിലുള്ള വാഹങ്ങളുടെ വരവും നോക്കികൊണ്ടിരിക്കുകയായിരുന്നു.

പക്ഷെ

പ്രതീക്ഷിച്ച യാതൊരു വിധ ആക്രമണങ്ങളും ഉണ്ടായില്ല.

അവർ സുരക്ഷിതരായി തന്നെ സിവെല്ലൂരി മാളികയിൽ എത്തി.അവിടെ വിഭവസമൃദ്ധമായ ഭക്ഷണം ഒരുക്കിയിരുന്നു.പുറത്തിറങ്ങിയ അനിരുദ്ധനെ എല്ലാവരും വന്നു സ്വീകരിച്ചുപന്തലിലേക്ക് കൂട്ടികൊണ്ടുപോയി

നിരുപമയെ അതിമനോഹരമായി വേഷവിദാനങ്ങളോടെ അണിയിച്ചൊരുക്കി അന്നത്തെ ചടങ്ങുകൾക്കായി അവളുടെ മുത്തശ്ശിയും ചെറിയമ്മമാരും ആനയിച്ചു കൊണ്ട് വന്നു.അവളെ കണ്ടാൽ ആർക്കും കണ്ണെടുക്കാനേ തോന്നില്ല അത്രയേറെ സുന്ദരിയായിരുന്നു അവൾ.