അപരാജിതന്‍ 28 [Harshan] 9801

സിവെല്ലൂരി കുടുംബത്തിൽ ഒരു ഉത്സവം തന്നെയായിരുന്നു.

വർഷങ്ങൾക്ക് ശേഷം കാളയോട്ട മത്സരം ഗോവിന്ദ റെഡ്ഢി തന്നെ കാളകളെ തെളിച്ചു വിജയിച്ചു ഒന്നാം സമ്മാനം കരസ്ഥമാക്കിയത് അവരെ സംബന്ധിച്ച് വലിയ കാര്യം തന്നെയാണ്.

അന്ന് ആറു മണിയോടെ സിവെല്ലൂരി കുടുംബം വരന്‍റെ കുടുംബത്തെ സ്വീകരിക്കുവാനായി പുറപ്പെടാൻ ഒരുങ്ങുകയായിരുന്നു.

അവിടത്തെ ആചാരമനുസരിച്ച് വിവാഹം രാത്രി ആയിരിക്കും.

ദൂരദേശത്തു നിന്നുമാണ് വരൻ വരുന്നതെങ്കിൽ രണ്ടു ദിവസം മുന്നേ തന്നെ വരനും അവരുടെ വേണ്ടപ്പെട്ട കുടുംബക്കാരും രണ്ടു ദിവസം മുന്നേ തന്നെ വധുവിന്‍റെ ഗ്രാമത്തിൽ എത്തിചേരും.

വധുവിന്‍റെ വീട്ടുകാർ അവർക്കായി സകല സൗകര്യങ്ങളുമുള്ള താമസം ഒരുക്കുന്നതായിരിക്കും.

വിവാഹം എന്നത് മംഗളകരമായതും രണ്ടു കുടുംബങ്ങളുടെ കൂടിചേരലും ആയതിനാലും അന്ന് രാത്രി മുതൽ വിവാഹത്തോട് അനുബന്ധിച്ചുള്ള ചടങ്ങുകളും പിറ്റേന്ന് പൂജകളും അതിനു പിറ്റേന്ന് കല്യാണചടങ്ങുകളും ഒക്കെയായുള്ള കൂട്ടായ ആചരണങ്ങളായിരിക്കും.

അതിൻ പ്രകാരം

സിവെല്ലൂരി കുടുംബക്കാർ സകലരും വരനെ സ്വീകരിക്കാൻ പോകുകയാണ്.നൂറു കണക്കിന് ബന്ധുക്കളും ഗ്രാമവാസികളും കാൽനടയായി വരന്‍റെ കുടുംബത്തിനുള്ള സമ്മാനങ്ങളുമായിയാണ് പുറപ്പെടുന്നത്.

അത് തന്നെ ഉത്സവഘോഷയാത്ര പോലെ. കാല്നടയായി പോകുന്നവരുടെ പിന്നിൽ നിരവധി വാഹനങ്ങളൂം അനുഗമിക്കും. കുടുംബത്തിലെ പ്രധാന കാരണവരുടെ കൈയ്യിൽ പൂർണകുംഭം ഉണ്ടായിരിക്കും.

മറ്റു കുടുംബക്കാർ കൈയിൽ പണവും സ്വർണവും വസ്ത്രങ്ങളും പലഹാരങ്ങളും പഴങ്ങളും ഒക്കെ കരുതും.

വാഹനങ്ങളിൽ നിറയെ വരനും വരന്‍റെ ബന്ധുക്കൾക്കുമുള്ള സമ്മാനങ്ങളും ആയിരിക്കും

പ്രധാനമായും പട്ടുവസ്ത്രങ്ങൾ , സുഗന്ധദ്രവ്യങ്ങൾ അങ്ങനെഎല്ലാം