അപരാജിതന്‍ 28 [Harshan] 9797

അതിനു സമീപം തന്നെയാണ് അയാളുടെ ചുരുട്ട് കംപനിയും, അതും ജാഗ്വർ എന്ന ബ്രാണ്ടിലാണ് വിപണിയിലിറക്കിയിരിക്കുന്നത് .

തന്‍റെ ഡിസ്റ്റിലറിയുടെ പുറത്ത്

ഒറ്റയ്ക്ക് ഒരു ചെയറിൽ ഇരുന്നു റം കുടിച്ചു കൊണ്ട് കോപത്തോടെ ഇരിക്കുകയായിരുന്നു ജഗന്നാഥൻ

ജഗന്നാഥന് ചുറ്റും സിൽബന്ദികളും ഉണ്ട്.

“ചേട്ടാ ,, നിങ്ങൾ ടെൻഷനാകാതെ ,, ഞങ്ങൾ എല്ലാരും കൂടെയില്ലേ , ആ കല്യാണം നടക്കില്ല ”

ജഗന്നാഥ൯ റം ഒരു സിപ്പ് ഇറക്കി ,

“ആ ,, വരത്തൻ ,, അവ൯ കാരണം ഞാൻ നാണംകെട്ടുപോയി ,, അവനെന്നെ ചവിട്ടി ,,, നീയൊക്കെ പിടിച്ചു നിർത്തിയത് കൊണ്ടാ ,,, ഇല്ലായിരുന്നെങ്കിൽ അവന്‍റെ തല ഞാൻ എടുത്തേനേ ,,”

“ചേട്ടാ ,, നിങ്ങൾ അങ്ങനെ തെരുവിൽ കിടന്നു അടിയുണ്ടാക്കേണ്ട ആളല്ല ,, എന്തിനും നമുക്ക് വഴിയുണ്ടാക്കാമല്ലോ ,”

“എന്തായാലും ,,,,,എന്നെയല്ലാതെ വേറെയൊരുത്തനെയും കെട്ടി സന്തോഷത്തോടെ വാഴാമെന്നു അവളൊരിക്കലും മോഹിക്കണ്ട ,, എന്‍റെ കൂടെ കിടക്കേണ്ടവളാ ,,,അങ്ങനെയല്ലെങ്കിൽ കൊന്നുകളയും ഞാൻ എല്ലാത്തിനേം ,,,” കസേര കയ്യിൽ ശക്തിയിൽ ഇടിച്ചു കൊണ്ട് ജഗന്നാഥൻ പറഞ്ഞു.

“ആ വരത്തനെന്നാലും ഭയങ്കരനാ,,,,കണ്ടിരുന്നില്ലേ ,,ഒറ്റക്കയിൽ ഇരസും പിടിച്ചുയർത്തി കാളകളുടെ അതെ വേഗത്തിൽ ഓടിയത് ,, അവനങ്ങു സ്റ്റാറായി പോയ പോലെയായി “ഒരാൾ എല്ലാവരും കേൾക്കെ സ്വയം പറഞ്ഞു

അത് കേട്ടതും  ജഗന്നാഥന്‍ കസേരയിൽ നിന്നും ചാടി എഴുന്നേറ്റു കൊണ്ട്കയ്യിലിരുന്ന ഗ്ലാസിലെ മദ്യം ആ പറഞ്ഞയാളുടെ മുഖത്തേക്ക് വലിച്ച് ഒഴിച്ചു ,  ഗ്ളാസ് തറയിൽ എറിഞ്ഞുടച്ചു കൊണ്ട് അയാളുടെ കോളറിൽ പിടിച്ചു പിന്നിലേക്ക് തള്ളി

അയാൾ നിലത്തേക്ക് മലർന്നടിച്ചു വീണു

“എന്‍റെ മുന്നിൽ അവനെ വാഴ്ത്തുന്നോ ,,,,പൊലയാടി മോനേ ” കോപത്തോടെ ജഗന്നാഥൻ അലറി

അയാൾ മുഖം തുടച്ചു കൊണ്ട് ഭയത്തോടെ എഴുന്നേറ്റു

“കടന്നു പോടാ നായെ ,,  ” ജഗന്നാഥൻ അലറി പറയുന്നത് കേട്ട് അയാൾ ഭയത്തോടെ ഓടി

ജഗന്നാഥൻ കോപം കൊണ്ട് കസേര എടുത്ത് ടീപ്പോയുടെ ചില്ലിൽ ആഞ്ഞടിച്ചു. അതോടെ ചില്ലു തവിട് പൊടിയായി

“ഇതുപോലെ ,,കൊല്ലും ഞാനവനെ ,,,,,ഈ വേമാവരത്ത് ഒരേയൊരു നായകനെ ഉള്ളു ,,അതീ ജഗന്നാഥനാ ,,,,,അവനെ ഞാനറിയിക്കും ,,ഞാനാരെന്ന് “

ഒരു ഭ്രാന്തനെ പോലെ പുലമ്പി   ജഗന്നാഥന്‍ കമ്പനിയുടെ ഉള്ളിലേക്ക് നടന്നു കയറി

<<<<O>>>>