അപരാജിതന്‍ 28 [Harshan] 9801

“ഒന്നൂടെ ആ ചുമലിൽ ഇട്ട മുണ്ട് ചുറ്റി അരയിൽ കെട്ടി മുണ്ടു മടക്കി കുത്തി മീശയും പിരിച്ചൊന്നു സ്ലോമോഷനിൽ നടക്കാമോ ,,,,,,,,”

“പോടാ ,,,,,,,,,തിരുമാലി …..” എന്നു പറഞ്ഞുകൊണ്ട് അവന്‍റെ കാതിൽ മേലെ നുള്ളി

“പ്ലീസ് മുത്തശ്ശാ ,,,,,,,” എന്ന് പ്രാജക്തയും ആവശ്യപ്പെട്ടു

അപ്പൊ കൂടെ വീട്ടുകാരും പ്രോത്സാഹിപ്പിച്ചു

അദ്ദേഹം ജാനകി ദേവിയെ നോക്കി

അവരും പുഞ്ചിരിച്ചു കൊണ്ട് മുഖം താഴ്ത്തി

“കണ്ടോ കണ്ടോ ,,,,മുത്തശ്ശിക്കും ആ വരവൊന്നു കാണാൻ താല്പര്യമുണ്ട് ,, എന്നാ വേഗമാകട്ടെ മുത്തശ്ശാ ”

ആദി അദ്ദേഹത്തെ പ്രോല്‍സാഹിപ്പിച്ചു

പ്രാജക്‌ത ഉടൻ തന്നെ കാമറ ഓൺ ചെയ്തു

അദ്ദേഹം ഒന്ന് ചിരിച്ചു കൊണ്ട് തോളിൽ കിടന്ന മുണ്ട് ശക്തിയിൽ എടുത്തു കുടഞ്ഞു അരയിൽ മുറുകെ കെട്ടി മുണ്ടും മടക്കി കുത്തി മീശയും ഒന്ന് പിരിച്ചു ഒരു പുഞ്ചിരിയോടെ നടന്നു

“ആഹാ ,,,,,,,ഇതാണ് ,,,, ഹിസ് ഹൈനസ് ,,സിവെല്ലൂരി ഗോവിന്ദ റെഡ്ഢി ,,,,,,” എന്നുപറഞ്ഞു കൊണ്ട് ആദി അദ്ദേഹത്തെ കെട്ടിപിടിച്ചു എന്നിട്ട് എല്ലാവരും അവിടെ നിന്നും തിരികെ മാളികയിലേക്ക് തിരിച്ചു.

****

പോകും വഴി അവന്‍റെ ജീപ്പില്‍ നിരൂപമയും കയറിയിരുന്നു.

“നീരു എങ്ങനെയുണ്ടായിരുന്നു എന്‍റെ പെര്‍ഫോമന്‍സ് ” ആദി അവളോട് ചോദിച്ചു

“വളരെ നന്നായിരുന്നു ,എന്നാലും ഞാന്‍ പേടിച്ച് പോയി”

“ആഹാ ,, അത് ,കലക്കി , അപ്പോ നീരുവിനും പിടിച്ചു പോയി ,,എനിക്ക് വയ്യെന്‍റെ തമ്പുരാനെ ,, അല്ല ഞാനാ ജഗന്നാഥന് വേണ്ടത് കൊടുത്തിട്ടുണ്ട് ,, ”

അത് പറഞ്ഞപ്പോൾ അവളുടെ മുഖമൊന്നു മാറി , ഭയം നിറഞ്ഞ പോലെ

“നീരു ഒന്നുകൊണ്ടും പേടിക്കണ്ട ,,,,,, ഞാനിവിടെ വന്നത് തന്നെ നീരുവിന്‍റെ കല്യാണം നടത്താനാ,,, ഉറപ്പിച്ചോ ,, ഒരു തടസവും കൂടാതെ ഈ കല്യാണം നടന്നിരിക്കും ,,,,,” അവനവളെ ആശ്വസിപ്പിച്ചു

ആദി ഗിയർ മാറ്റി സ്‌പീഡ്‌ കൂട്ടി വണ്ടി ഓടിച്ചു

“മാൻ …..”പാജി വിളിച്ചു