അപരാജിതന്‍ 28 [Harshan] 9797

“അതിൽ നീ പറയാതെ വിട്ടുപോയ ഒരാളുണ്ട് ,, ഇപ്പറഞ്ഞ ആരുമില്ലെങ്കിലും നിനക്കൊരു സുഹൃത്തുണ്ട്,, ”

ജഗന്നാഥൻ ആദിയുടെ മുഖത്തേക്ക് നോക്കി

“ഇല്ല “എന്ന ഭാവത്തിൽ തലയാട്ടി.

“ഇന്നലെ വരെ ഇല്ലായിരിക്കാം ,,പക്ഷെ ഇന്ന് മുതൽ ഈ നിമിഷം മുതലുണ്ട് ,, അത് ഞാനാ ,,,,,,ശങ്കര൯ ,,ആദിശങ്കരൻ,,, നിങ്ങൾ ഒന്നിക്കുമോ എന്നൊന്നും എനിക്കറിയില്ല ,,പക്ഷെ ,, എന്നാൽ ആകുന്ന പോലെ ഞാൻ ശ്രമിക്കും ,, ഞാൻ നീരുവിനോട് ഈ കാര്യം അവതരിപ്പിക്കും ,, ഞാൻ പറയുന്ന പോലെ നീ അനുസരിക്കണം ,, സാധിക്കുമോ ?”

ജഗന്നാഥൻ യാതൊരു പ്രതീക്ഷയും ഇല്ലാതെ നിന്നു.

“നിനക്ക് നീരുവിനെ കിട്ടാൻ വേണ്ടിയല്ല ,,നീരുവിനു നിന്നെ കിട്ടാതെ പോകാതിരിക്കാൻ വേണ്ടിയാ,,,,,,,ഞാൻ എന്ത് ചെയ്താലും ജയ൦ എനിക്കാകണമെന്ന വാശി എനിക്കുണ്ട്,, നോക്കട്ടെ ,,എന്‍റെ ഭാഗത്തു നിന്നും ഒരു അവസാനശ്രമം നിനക്കെന്നെ സുഹൃത്തായി കാണാ൯ സാധിക്കുമെങ്കിൽ കൈ തരാം ,,,ഇല്ലെങ്കിൽ ഇവിടെ വച്ച് പിരിയാം ,,,,,,,,,,,”

ജഗന്നാഥൻ മെല്ലെ മെല്ലെ കൈകൾ ഉയർത്തി ആദി നീട്ടിയ കൈയിൽ പിടിച്ചു.

ആദി ജഗന്നാഥനെ കെട്ടിപിടിച്ചു

ഒരു സൗഹൃദത്തിന്‍റെ ആരംഭം

<<<<O>>>>

“എന്നും ഞാനിവിടെ വന്നു സങ്കടം പറയുമായിരുന്നു ” വിഷമത്തോടെ നീരു പറഞ്ഞു

“എനിക്കറിയാം ,,ഞങ്ങളിപ്പോ അത് സംസാരിക്കുകയായിരുന്നു ”

“ആരോട് ?” അവൾ ആകാംഷയോടെ ചോദിച്ചു

“ദേ ,,ഉള്ളിലിരിക്കുന്ന വാധ്യാരോട് ,,,” അവൻ ചിരിച്ചു കൊണ്ട് മറുപടി പറഞ്ഞു

“എന്തിനാ അവിടെ അങ്ങനെ ഒരു സീൻ ക്രിയേറ്റ് ചെയ്തത് ?” നിരൂപമ ചോദിച്ചു

“അത് ഞാ൯ മുത്തശ്ശന്‍റേ അനുവാദത്തോടെ ചെയ്തതാ ,,നീരു ഒരിക്കലും മനസ് തുറക്കില്ലല്ലോ ,, ജഗന്നാഥനെ ഇഷ്ടമായിരിക്കും എന്നത് ഞങ്ങളുടെ ഒരു അനുമാനം മാത്രമായിരുന്നു,, മുത്തശ്ശൻ നീരു ഇവനെ കെട്ടാൻ പറഞ്ഞാലും കെട്ടും ,,,പക്ഷെ ആ മനസ് ഞങ്ങൾ എല്ലാരും അറിയണ്ടേ ,, മറ്റുള്ളവരുടെ മുന്നിൽ വെച്ചു ഇവനെ ഇഷ്ടമെന്ന് പറയുമ്പോ ഇവനും സന്തോഷമാകില്ലേ ,, അതുകൊണ്ടു ചെയ്തതാ ,,,,”

ആദി ജഗന്നാഥനെ ഒന്ന് നോക്കി

“നീ ചെറുപ്പത്തിൽ അനുഭവിച്ച വേദന എനിക്കറിയാം ,, അതിലും വലിയ നോവല്ലേ ,,,ഇവളെ നഷ്ടപെടുമ്പോൾ നീ അനുഭവിക്കുക , എല്ലാം ശരിയായല്ലോ ,,നാളെ വൈകീട്ട് കല്യാണം ,,അങ്ങനെ അല്ലെ തീരുമാനിച്ചിരിക്കുന്നത് ,,”

ഇരുവരും തലയാട്ടി