അപരാജിതന്‍ 28 [Harshan] 9797

“എടാ ജഗന്നാഥാ ,, നിന്നെ ഇവിടെയെല്ലാവര്‍ക്കും ഒരുപാട് ഇഷ്ടമാ ,, എല്ലാര്ക്കും വിഷമവും ഉണ്ട് ,, നിന്നെ നേരത്തെ ഈ കുടു൦ബത്തിൽ ചേർക്കാതെ പോയതിൽ പിന്നെ ,,ഒക്കെ വിധിയല്ലേ ,,, ”

അവൻ നിരുപമയെ പിടിച്ചടുത്തേക്ക് നിർത്തി

“എന്നാലുമെന്‍റെ നീരൂ എന്തൊരു അടിയാ എനിക്ക് തന്നത് ,,പോട്ടെ എന്നെ തല്ലുന്ന അനിയത്തി എനിക്കില്ല അതോണ്ട് ഞാനങ്ങു ക്ഷമിച്ചു ,നീരു ,, നീ സുഖായി ജീവിക്കാനല്ലെ എല്ലാരും ആഗ്രഹിക്കുന്നത്,, നിന്റയുള്ളിലെ ഇഷ്ടം മറ്റുള്ളവരുടെ സന്തോഷത്തിനു വേണ്ടി സ്വയം ത്യജിച്ചപ്പോ നീ എന്നും പ്രാർത്ഥിക്കുന്ന ജഗന്നാഥൻ അത് കാണാതെ പോയില്ല , ആ ജഗന്നാഥനാ ഈ ജഗന്നാഥനെ നിനക്ക് തന്നത് ,,, ”

അവള്‍ മിഴിനീര് ഒപ്പി ജഗന്നാഥന്‍റെ കൈ പിടിച്ച് നിന്നു.

ആദി ജഗന്നാഥനെ നോക്കി

“എടാ ഞാൻ മറ്റുള്ളവർക്ക് വേണ്ടി ഇങ്ങനെ കരഞ്ഞിട്ടില്ല ,,,പക്ഷെ നിനക്ക് വേണ്ടി തീ തിന്നായിരുന്നടാ തെണ്ടി ” അത് കേട്ട ജഗന്നാഥൻ വിങ്ങിപ്പൊട്ടി ആദിയെ കെട്ടിപ്പിടിച്ചു.

“ഏയി ,,കരയല്ലേ ,, ഇനി ചിരിച്ചാല്‍ മതി, എനിക്കും നിന്നെ ഒരുപാട് ഇഷ്ടമാടാ “ ആദി ജഗന്നാഥനെ ആശ്വസിപ്പിച്ചു.

“മുത്തശ്ശ,,ഇനി മുത്തശ്ശൻ പറ …എനിക്ക് പറയാനുള്ളതൊക്കെ പറഞ്ഞു കഴിഞ്ഞു.” ആദി പ്രോത്സാഹിപ്പിച്ചു

അദ്ദേഹം ജഗന്നാഥന്‍റെ അടുത്തേക്ക് വന്നു

“മോനെ ,,, എനിക്ക് കുറെ തെറ്റുകൾ പറ്റിയിട്ടുണ്ട് ,, അതിലൊന്നാണ് നിന്‍റെ അമ്മയോട് ചെയ്തതും ,, ഒരച്ഛനെന്ന നിലയില്‍ അവളെ സംരക്ഷിക്കാൻ എനിക്ക് സാധിച്ചില്ല ,, അതുപോലെ നിന്നോടും ,, നിന്നെ സംരക്ഷിക്കേണ്ടതു ഞാനായിരുന്നു ,,അതും ചെയ്തില്ല , നിനക്ക് കിട്ടേണ്ട ഒരു നല്ല ജീവിതവും എനിക്ക് തരാൻ സാധിച്ചില്ല ,, ഓർക്കുമ്പോൾ ഒരുപാട് വിഷമമുണ്ട് ,, നിന്നെ ഈ കുടുംബത്തിലെ കൊച്ചു മകനായി മാത്രമല്ല സ്വീകരിക്കുന്നത് ,, നീരുവിന്‍റെ വരനായി കൂടെയാണ് ,, ഈ വയസ്സന്‍റെ ഭാഗത്തു നിന്നും വന്ന പിഴകൾ പൊറുക്കണേ മോനെ ,,,”

സങ്കടത്തോടെ അദ്ദേഹം അവനു മുന്നിൽ കൈകൾ കൂപ്പി

“അയ്യോ ,,പെരിയോരെ ,,,,; എന്ന് വിളിച്ചുകൊണ്ടു അവൻ കൈയിൽ പിടിച്ചു

“മുത്തശ്ശാ ന്നു വിളിയെടാ ,,,,,”:ആദി ജഗന്നാഥനെ ചീത്ത വിളിച്ചു

“നിന്‍റെ ഒരു സ്വത്തും ഇവിടെ വേണ്ട ,,,,,നീ തന്നെയാ ഞങ്ങൾക്ക് കിട്ടാനുള്ള ഏറ്റവും വലിയ സ്വത്ത് , അത് സ്വാമി ജഗന്നാഥനായി ഞങ്ങൾക്ക് തന്നതാ ,,ഇനി എങ്ങോട്ടും വിടില്ല നിന്നെ ,,,സിവെല്ലൂരി കുടുംബത്തിലെ മൂന്നാം തലമുറയിലെ മൂത്ത കാരണവരായി നീ ഇവിടെ വേണം ,, ഞങ്ങടെ നിരുപമയ്ക്ക് താങ്ങും തണലുമായി” ഗോവിന്ദ റെഡ്ഢി ജഗന്നാഥനെ കെട്ടിപ്പിടിച്ചു വിതുമ്പി.

എല്ലാവരും അത്യധികം സന്തോഷത്തിലായി.

ആദി വേഗം ഫോണെടുത്തു.

“മുത്തശ്ശാ എന്ന അവരെ വിളിച്ച് പറഞ്ഞെക്കട്ടെ, ഈ കല്യാണം നമ്മളായി ഒഴിയുകയാണെന്ന്,ഞാന്‍ പറയണോ അതോ മുത്തശ്ശന്‍ പറയണോ “

അദ്ദേഹം അത് കേട്ടു പുഞ്ചിരിച്ചു.

“അത് നമ്മളല്ല പറയേണ്ടത് , അത് പറയാന്‍ സിവെല്ലൂരി കുടുംബത്തിലെ അടുത്ത കാരണവര്‍ സിവെല്ലൂരി ജഗന്നാഥറെഡ്ഡി ഇവിടെയില്ലേ “

ആ വാക്കുകള്‍ കേട്ട് ജഗന്നാഥന്‍ മുത്തശ്ശനെ നോക്കി.