അപരാജിതന്‍ 28 [Harshan] 9797

അവർ മൂവരും അന്ന് ഒരുപാട് നേരം ഇരുന്നു സംസാരിച്ചു.

പഴയകാര്യങ്ങളും ചൈതന്യയെ കുറിച്ചും അങ്ങനെ നിരവധി കാര്യങ്ങൾ

ഇടയ്ക്കു അവർ നിറയുന്ന കണ്ണുകൾ തുടക്കുകയും ചെയ്തിരുന്നു.

അവന്‍റെ ജീവിതമവരെ ഒരുപാട് ദുഖിപ്പിച്ചിരുന്നു.

അതി രാവിലെ നാലുമണിയോടെ അവിടത്തെ ചടങ്ങുകൾ ആരംഭിച്ചു.

പൂജയും ക്ഷേത്രദർശനവു൦ എല്ലാം

പലപ്പോഴും ഉള്ളിലെ വിഷമങ്ങൾ മറച്ചു പിടിച്ചു തന്നെ ജഗന്നാഥൻ എല്ലാത്തിനും ഭാഗമായി.

രാവിലെ

മൈലാഞ്ചി ചടങുകളും അത് കഴിഞ്ഞു മഞ്ഞൾ ആലേപനം ചെയ്തു വധുവിനെ കുളിപ്പിക്കുന്ന ചടങ്ങുകളും കഴിഞ്ഞു

ആദിയും ജഗന്നാഥനും ഓരോരോ കാര്യങ്ങൾ ഒരുമിച്ചു ചെയുകയായിരുന്നു.

അപ്പോളാണ് ലീഗൽ അഡ്വൈസർ മറ്റു ചില പേപ്പറുകളായി വന്നത്

അതെല്ലാം ജഗന്നാഥനെ ഏല്പിച്ചു.

ജഗന്നാഥനും ആദിയും കൂടെ മുത്തശ്ശന്‍റേ അടുത്തെത്തി.

“മുത്തശ്ശാ ”

“എന്താ മോനെ ” അദ്ദേഹം ജഗന്നാഥനോടു ചോദിച്ചു

“മുത്തശ്ശാ ,,ഇന്നലെ തന്ന പേപ്പറുകൾ എന്‍റെ പേരിലുള്ളതാ ,, നീരുവിന്‍റെ പേരിൽ ഒരു ബംഗ്ലാവ് ഞാൻ പണിതിരുന്നു , പിന്നെ കുറെ കാറുകളും ഉണ്ട് ,, ഒക്കെ അവളുടെ പേരിലാ ,, ഞാനവൾക്കു കൊടുത്തോട്ടെ സമ്മാനമായി ,,”

അദ്ദേഹം സമ്മതിച്ചു

ജഗന്നാഥൻ വേഗം അതും കൊണ്ട് ഓടിപ്പോയി

ആദി വേഗം റെഡ്ഢി മുത്തശ്ശന്‍റേ കാലിൽ വീണു

“അയ്യോ ,,എന്താ ഈ കാണിക്കുന്നേ ?” അദ്ദേഹം ചോദിച്ചു

“ഞാനാ മുത്തശ്ശാ ,,അവനെ ഇങ്ങോട്ട് എത്തിച്ചത് ,, പാവമാ ,,അടുത്തറിഞ്ഞപ്പോളാ മനസിലായത് ”

അവനെ വേഗം അദ്ദേഹം എഴുന്നേൽപ്പിച്ചു

“എന്തിനാ മുത്തശ്ശാ ,,ആ പാവത്തോട് ,,ഇങ്ങനെയൊക്കെ വേണമായിരുന്നോ ,, പണത്തിനോട് അവനൊരു ആഗ്രഹവുമില്ല ,,അതിലുമധികം നിങ്ങളെ അവൻ സ്നേഹിക്കുന്നുണ്ട് ”

അദ്ദേഹം ഒന്നും മിണ്ടിയില്ല , അവിടെ നിന്നും തിരിഞ്ഞു നടന്നു.

നിരാശയോടെ ആദി ആ മനുഷ്യന്‍ നടന്നു പോകുന്നത് നോക്കി നിന്നു.

നിരുപമ ദക്ഷിണ കൊടുക്കുന്ന ചടങ്ങിലായിരുന്നു

അത് തീരായപ്പോൾ ആണ് ജഗന്നാഥൻ അവിടെഎത്തിയത്

ചേതന അവളെ കൊണ്ട് അവനും ദക്ഷിണ കൊടുപ്പിച്ചു .

അവൻ അത് വാങ്ങി വിറയ്ക്കുന്ന കൈകളോടെ അവളുടെ ശിരസിൽ സ്പർശിച്ചു

അവൾ എഴുന്നേറ്റപ്പോൾ അവളുടെ മുഖത്ത് നോക്കാൻ അല്പം ബുദ്ധിമുട്ടിയിട്ടാണെങ്കിലും അവൻ ഒന്ന് അപ്പുറം വരെ വരാൻ അവളോട് പറഞ്ഞു അവൾ അത് അനുസരിച്ചു

“നീരു ..ഇതൊക്കെ നിനക്കായി വാങ്ങി കൂട്ടിയതാ ,, ഗംഗമ്മഗൊണ്ടയിൽ ഒരു ബംഗ്ലാവുണ്ട് ,, പത്തു കാറുകളും പിന്നെ ആഭരണങ്ങളും ഉണ്ട് ,,ഒക്കെ നിനക്കുള്ളതാ ,,,, എന്നുപറഞ്ഞു അവൻ അവൾക്കു നേരെ നീട്ടി , അവൾ വാങ്ങാൻ മടിച്ചു നിന്നു , അവൻ അവളുടെ കൈ പിടിച്ചു അത് കയ്യിൽ വെച്ച് കൊടുത്തു.

“നീരു ,,എല്ലാമെൻ്റെ പൊട്ടത്തരമായി കണ്ടു ക്ഷമിക്കണം, എനിക്ക് ശരിയു൦ തെറ്റൊന്നും പറഞ്ഞു തരാനാരുമുണ്ടായിരുന്നില്ല, അതുകൊണ്ടു വന്നുപോയ അപരാധമാ, ഒരുപാട് ഞാൻ ഭയപ്പെടുത്തിയിട്ടുണ്ട് ”

അവളവനെ തന്നെ നോക്കി നിന്നു.