അപരാജിതന്‍ 28 [Harshan] 9797

ജഗന്നാഥൻ നിരുപമയെ അങ്ങോട്ട് കൊണ്ട് വരികയായിരുന്നു.

“ഹമ് ..പോയില്ലേ ,,,,,,”റെഡ്ഡി ചോദിച്ചു

“ഇല്ല ,,,,,,”

“കാരണം ,,,?”

“എനിക്ക് നീരുവിനെ വേണം എന്നത് ശരിയാ ,,,,പക്ഷെ അത് അവളെ ഇവിടെ നിന്നും പറിച്ചെടുക്കുന്ന പോലെ വേണ്ടാ ഞാനങ്ങനെ കൊണ്ട് പോകില്ല ,,,,,,”

“അത് നിന്‍റെ വിഷയമല്ല ,,,,,, നീ നിരുപമയെ ആവശ്യപ്പെട്ടു ,, അവളെ ഞാൻ നിനക്ക് തന്നു ,, ”

“പെരിയോരെ ,,,,എന്‍റെ സന്തോഷത്തിനു വേണ്ടി നീരുവിന്‍റെ എല്ലാ സന്തോഷവും ഇല്ലാതാക്കാൻ എനിക്കാഗ്രഹമില്ല ,, ഇവളെ ഞാൻ സ്വീകരിക്കുന്നില്ല ,,, ”

അദ്ദേഹം അല്പം നേരം ആലോചിച്ചു

“ശരി ,,,,ഒന്നാമത്തെ അപേക്ഷ തീർപ്പു കൽപ്പിച്ചു നിനക്ക് സമ്മാനിച്ചതെന്തോ അത് നിനക്ക് സ്വീകാര്യമല്ലെങ്കിൽ അത് തിരികെ മടക്കാം , പകരം രണ്ടാമത് അപേക്ഷ പറയാം ,,അതും സാധിച്ചു തരാ൯ പറ്റുന്നതാണെമെങ്കിൽ നിനക്ക് സാധിച്ചു തന്നിരിക്കും ,,പക്ഷെ അതിൽ വ്യവസ്ഥകളുണ്ടാകും ,,സമ്മതമാണോ ?”

“അതെ ,,അതെ പെരിയോരെ ,,,,,,”

“എങ്കിൽ വരൂ എന്നുപറഞ്ഞു കൊണ്ട് നിരുപമയെയും കൂട്ടി മണിഗോപുരത്തിലേക്ക് നടന്നു

റെഡ്ഢി മുത്തശ്ശൻ പറഞ്ഞത് പ്രകാരം ജഗന്നാഥൻ മണി മൂന്നു വട്ടം മുഴക്കി

തന്‍റെ അപേക്ഷ പ്രകാരം പെരിയോർ കൊടുത്ത നിരുപമയെ തിരികെ ഏൽപ്പിക്കുന്നതായി ജഗന്നാഥ സ്വാമിയേ അറിയിച്ചു”

“എന്താ നിന്‍റെ രണ്ടാമത്തെ അപേക്ഷ ?” മുത്തശ്ശൻ ചോദിച്ചു

“എന്‍റെ അമ്മയെ ഇവിടത്തെ മകളായി കണക്കാക്കണം ,, എന്നെ ഇവിടത്തെ കൊച്ചുമകനായി സ്വീകരിക്കണം , ഒരു കൊച്ചുമകന്‍റെ സകല അവകാശങ്ങളും എനിക്ക് തരണം ,, സകലകുടുംബാ൦ഗങ്ങളും ആ സ്നേഹവും കരുതലും എന്നോട് കാണിക്കണം ”

കേട്ടവർ മൂക്കത്തു വിരൽ വെച്ചു, പടിയടച്ചു പിണ്ഡം വെച്ചവളെ വീണ്ടും മകളായി സ്വീകരിക്കണെമന്നും അവനെ എല്ലാ വിധ അവകാശങ്ങളോടെയും കൊച്ചുമകനായി സ്വീകരിക്കണം എന്നതുമായ അവന്‍റെ ആഗ്രഹം കേട്ടിട്ട്

“അപ്പാ ,,, അരുത് ,,,,ഇവൻ നമ്മുടെ ശത്രുവാണ് , അത് വേണ്ടാ ,,” എന്ന് അദ്ദേഹത്തിന്‍റെ മക്കൾ ആവശ്യമറിയിച്ചു.