അപരാജിതന്‍ 28 [Harshan] 9797

ജഗന്നാഥൻ ആ വെള്ളം അപ്പാടെ കുടിച്ചു , എന്നിട്ടു പറയാനാരംഭിച്ചു

“സിവെല്ലൂരി കുടുംബത്തിൽ ഗോവിന്ദറെഡ്ഢിക്കും ജാനകി ദേവിക്കും ആറ് മക്കളല്ല ,ഏഴുമക്കൾ ,മൂത്തയാൾ പെണ്ണായിരുന്നു , അത് എന്‍റെയമ്മ ,,ചൈതന്യ,,”

ആദിക്ക് അത്ഭുതമായി

“മുപ്പത്തി നാല് കൊല്ലം മുൻപ് അന്ന് എന്‍റെയമ്മയുടെ വിവാഹ൦ തീരുമാനിച്ച സമയമായിരുന്നു , അന്ന് ഇതുപോലെ ക്ഷേത്രത്തിൽ ആഭരണങ്ങളും പൂജിച്ചു കൊണ്ട് പിറ്റേന്നുള്ള കല്യാണത്തിനുള്ള എല്ലാ തയ്യാറെടുപ്പുകളും ചെയ്തിരിക്കുന്ന രാത്രി ‘അമ്മ ആരുമറിയാതെ എന്‍റെ അച്ഛനോടൊപ്പം ഒളിച്ചോടി , അച്ഛൻ ആ തറവാട്ടിലെ ഒരു ആശ്രിതനായിരുന്നു ”

ആദി ശ്രദ്ധയോടെ എല്ലാം കേട്ടിരുന്നു

“അവർ തമ്മിൽ ഇഷ്ടത്തിലായിരുന്നു , പക്ഷെ അച്ഛൻ താഴ്ന്ന സമുദായത്തിലെയാളായിരുന്നു , കൃഷിപണി ചെയുന്ന സമുദായത്തിലെ ,,സിവെല്ലൂരി ജന്മികുടു൦ബത്തിലെ പെണ്ണ് ഒളിച്ചോടിയ വാർത്ത നാടറിഞ്ഞു ,കുടുംബത്തിന്‍റെ അഭിമാനം ഇല്ലാതെയായി ,പെരിയോരുടെ അച്ഛൻ (മുതുമുത്തശ്ശൻ ) ഹൃദയസ്തംഭനം വന്നു മരിച്ചു ,, അങ്ങനെ ഒരുപാട് പ്രശ്നങ്ങൾ ,,,,, അവർ ദൂരെയൊരിടത്തു പോയി താമസിച്ചു ,, ഞാൻ ജനിച്ചു രണ്ടു വയസായപ്പോൾ എന്‍റെ അച്ഛന് വൃക്കരോഗം വന്നത് ,, പിന്നെ എന്നെ വളർത്താനും അച്ഛന്‍റെ ചികിത്സക്കും ‘അമ്മ ഒരുപാട് കഷ്ടപെട്ടുകൊണ്ടിരുന്നു ,,അച്ഛന്‍റെ ചികിത്സക്കായി ഉണ്ടായിരുന്ന വീടും പുരയിടവും ഒക്കെ വിൽക്കേണ്ടി വന്നു ”

“എനിക്ക് നാല് വയസുള്ളപ്പോ അച്ഛൻ മരിച്ചു , ആ സമയത്താണ് അമ്മക്ക് ഇടയ്ക്കിടെ ബോധക്കേട് വന്നു കൊണ്ടിരുന്നത് ,, പരിശോധനയിൽ ആണ് മനസിലായത് അമ്മക്ക് തലച്ചോറിൽ മുഴ ആയിരുന്നെന്ന് ,,അതോടെ ‘അമ്മ ആകെ തകർന്നു ,, സഹായിക്കാനും ആരുമില്ല ,, കാര്യങ്ങളൊക്കെ ആകെ ബുദ്ധിമുട്ടിലുമായി , അങ്ങനെ ഒരു നിവൃത്തിയില്ലാതെ ആയപ്പോ ‘അമ്മ എന്നെയും കൂട്ടി സിവെല്ലൂരി തറവാട്ടിൽ ഉള്ളിൽ കയറാതെ ഗേറ്റ് നു പുറത്തു നിന്നപേക്ഷിച്ചു , അമ്മക്ക് സുഖമില്ല ,, എല്ലാം കൊണ്ടും ബുദ്ധിമുട്ടാണ് അമ്മയെ വീട്ടിൽ കയറ്റണമെന്ന് ,,മകളായി വേണ്ട ,, ഒരു ജോലിക്കാരിയുടെ സ്ഥാനം കൊടുത്താലും മതി എന്ന് ,, പക്ഷെ അവിടെയുള്ള ആരും അതു കേട്ടില്ല , അവർ അമ്മയെ മുൻപേ തന്നെ പിണ്ഡം വെച്ച് പുറത്താക്കിയിരുന്നു ,, അവർ ഗേറ്റ് തുറന്നുമില്ല ,, ഒടുവിൽ എന്നെയും കൊണ്ട് ‘അമ്മ തിരികെ പോയി ,,