അപരാജിതന്‍ 28 [Harshan] 9797

സമയം മൂന്നരയായി കാണും

പെട്ടെന്നാണ് കുറച്ചു വാഹനങ്ങളുടെ ശബ്ദം ഉയർന്നു വന്നത്

അതുകേട്ടു ആദിയും അവിടത്തെ കാവൽക്കാരും ജാഗരൂകരായി

ജഗന്നാഥൻ പറഞ്ഞു വിട്ടതനുസരിച്ച് അഞ്ചാറു വണ്ടികൾ നിറയെ ഗുണ്ടകൾ ആയിരുന്നു അവിടെയെത്തിയത്.

ആദിയുടെ ആ സംശയം അതുപോലെ തന്നെ സംഭവിച്ചു.

അവൻ വേഗം ഫോൺ എടുത്ത് നന്ദുമാമനെ വിളിച്ചു

ഫോണെടുത്തപ്പോൾ അവൻ ഉറക്കെ പറഞ്ഞു

“മാമാ ,, ജഗന്നാഥ്‌നറെ ടീ൦ ഇവിടെഎത്തിയിട്ടുണ്ട് , നിങ്ങൾ അവിടെ ശ്രദ്ധിക്കണം , ചിലപ്പോ നീരുവിനെ കടത്താനുള്ള ടീമും വന്നു കൂടായ്കയില്ല ,, ഇവിടത്തെ കാര്യം നോക്കാൻ ഞാനുണ്ട് , വേഗം മുത്തശ്ശനെ വിവരമറിയിക്കണം ”

അത് കേട്ടതോടെ ആനന്ദിന് ഭയമായി

“അപ്പു ,,നീയവിടെ ഒറ്റയ്ക്ക് ,,,ഞാൻ അളിയന്മാരെ കൂട്ടി അങ്ങോട്ട് വരാം ,,,”

അതുകേട്ടു അവനൊന്നു ചിരിച്ചു

“മാമാ ,,,,,ഇതെനിക്ക് പത്തു മിനിറ്റിന്‍റെ കാര്യമേയുള്ളൂ ,, നിങ്ങൾ അവിടെ നോക്കിയാൽ മതി ”

എന്നുപറഞ്ഞു കൊണ്ട് അവൻ ഫോൺ വെച്ചു.

ഗേറ്റ് പുറമെ നിന്ന് പൂട്ടിയതിനാൽ

ജഗന്നാഥൻ അയച്ച ഗുണ്ടകളിലൊരാൾ പെട്രോൾ നിറച്ച കുപ്പിയിൽ തുണി തിരുകി തീകൊടുത്ത് ഗേറ്റിനു അപ്പുറത്തേക്കിട്ടു , അത് അപ്പുറത്തേക്ക് വന്നു നിലത്തു തട്ടി പൊട്ടി എങ്ങും തീ പകർന്നു

അപ്പോളേക്കും അനിരുദ്ധന്‍റെ ആളുകൾ ശബ്ദമൊക്കെ കേട്ട് എഴുന്നേറ്റിരുന്നു.

ഇരുപത്തിനടുത്ത് ഗുണ്ടകൾ ഗേറ്റും മതിലുമൊക്കെ ചാടി കടന്നു കൊണ്ട് ഉള്ളിലേക്ക് കടന്നു.അവരെ എതിരിടാൻ ആദിയും അവിടത്തെ കാവൽക്കാരും തയ്യാറായിരുന്നു.

പിന്നെ അവിടെ നടന്നത് തീ പറക്കുന്ന സംഘട്ടനം തന്നെയായിരുന്നു.ഒരാളെയും മാളികകളുടെ അകത്തേക്ക് പോകാനനുവദിക്കാതെ പുറത്തു നിന്ന് കൊണ്ട് തടഞ്ഞു .

മാരക ആയുധങ്ങളും കൊണ്ട് ആക്രമണത്തിന് വന്നിരുന്ന അവർ പലരും ആദിയുടെ പ്രഹരമേറ്റു നിലം പരിശായി വീണു .അതിനിടയിൽ ഒന്ന് രണ്ടു പേര് ആരും കാണാതെ ഇരുട്ടിൽ മാളികയുടെ പിറകിലേക്ക് പോകാൻ നോക്കിയപ്പോൾ അവരെ കാവൽക്കാർ ഓടിച്ചിട്ട് പിടിച്ചിടിച്ചു ബോധം കെടുത്തി

തിരിഞ്ഞും മറിഞ്ഞും മുകളിലേക്ക് പൊങ്ങിയും ഗുണ്ടകൾ പല വഴി മണ്ണിലേക്ക് വീണുകൊണ്ടിരുന്നു.ഗുണ്ടകളാരും ഇപ്രകാരമുള്ള ആക്രമണം ഒട്ടും പ്രതീക്ഷിച്ചുമുണ്ടായിരുന്നില്ല.

ആദിയുടെ കൈ ചൂടിന് മുന്നിൽ മർമ്മങ്ങൾക്കു ക്ഷതമേറ്റും എല്ലുകൾ ഒടിഞ്ഞും അതിൽ പലരും നിലത്ത് കിടന്നു ഇഴഞ്ഞു, കാവൽക്കാരിൽ കുറച്ചു പേർക്ക് നല്ലപോലെ പരിക്കേൽക്കുകയും ചെയ്‌തിരുന്നു.

പത്തുമിനിട്ടു കൊണ്ട് വന്നവരെയൊക്കെ ബോധം കെട്ടും പരിക്കേറ്റും ഉള്ള അവസ്ഥയിൽ നടുക്കിലുള്ള മാളികയുടെ പോർട്ടികോയിൽ കൂട്ടിയിട്ടു.ആദി പറഞ്ഞതുപ്രകാരം പരിക്കേറ്റ നാലുപേരെ മറ്റുള്ളവർ ആശുപ്രതിയിലേക്ക് കൊണ്ട് പോയി.