അഗ്നി [മാലാഖയുടെ കാമുകൻ] 2206

“ഓ.. ആദ്യമേ അങ്ങ് പറഞ്ഞാൽ എന്താ? എന്നേം കൂടി കൊണ്ടുപോകാത്തത് എന്താ? അവർക്കും അഗ്രഹം ഉണ്ടാകില്ലേ കൊച്ചിനെ കാണാൻ? അവരുടെ മകളെ കാണാൻ??”

അവൾ വിടാനുള്ള ഭാവം ഇല്ല..

“എന്നാൽ വാ…കണ്ടിട്ട് വരാം..”

ഞാൻ തിരിഞ്ഞു നടന്നു.. വരാന്തയിൽ നിന്നും ഇറങ്ങി..

“അതെ…..?”

അവൾ പുറകിൽ വന്നു.

“എന്താ?”

“പിന്നെ പോയാൽ പോരെ??”

ഞാൻ അവളുടെ നേരെ തിരിഞ്ഞു.. ഒന്നും സംഭവിക്കാത്ത പോലെ ചോദിക്കുന്നു..

“മ്മ്മ്..”

ഞാൻ അവളെ ഒന്ന് നോക്കി അകത്തു കയറി.. മുകളിൽ ചെന്നു.. വാവ നല്ല ഉറക്കത്തിൽ ആണ്..

“അഗ്നി വാവേ..”

ഞാൻ അവളുടെ കവിളിൽ ഒരു ഉമ്മ കൊടുത്തു.. ഉറക്കത്തിൽ അവൾ പുഞ്ചിരിച്ചു..

“ഇതാ ചായ…”

അവൾ ചായ തന്നപ്പോൾ ഞാൻ ഗ്ലാസ് ഒന്ന് നോക്കി.. വിഷം ഉണ്ടാകുമോ ആവൊ.

“എന്താ?”

“മ്മ്ചും….”

ഇവൾക്ക് നല്ല രീതിയിൽ സംസാരിക്കാൻ പോലും അറിയില്ലേ?

“ആഹ് നിനക്ക് ഒരാൾ നന്ദി പറഞ്ഞിട്ടുണ്ട്….”

ഞാൻ അവളോട് പറഞ്ഞു..

“ആര്?? എന്തിന്? എപ്പോൾ?”

അവൾ തിരിഞ്ഞു നിന്ന് ചോദിച്ചു..

“സജീവ്…”

അവൾ ഒന്ന് ഞെട്ടി… എന്നെ നോക്കി..

മുഖത്ത് എന്തൊക്കെയോ സംശയം.. ഞാൻ ടവൽ എടുത്തു ബാത്‌റൂമിൽ കയറി..

കുളിച്ചു ഇറങ്ങിയ എന്റെ കഴുത്തിൽ അവൾ കത്തി മുട്ടിച്ചു.. ഞാൻ അവളെ നോക്കി.. ചുവന്ന കണ്ണുകൾ..

“പറ.. നിനക്ക് എങ്ങനെ അറിയാം അവനെ?”

മുരൾച്ച..

“നീ കൊല്ലുമൊ എന്നെ?”

ഞാൻ അവളുടെ കണ്ണിൽ നോക്കി..

“കൊല്ലും… ഞാൻ കൊല്ലും…”

“എന്നാൽ കൊല്ല്…”