❤ വൈശാലി ❤ [VECTOR] 237

അപ്പോൾ?? ” ആകാംഷയോടെ അവൻ ചോദിച്ചതും അവളുടെ മുഖം നാണത്താൽ ചുവന്നു…

“ഈ സ്നേഹം കണ്ടില്ലെന്ന് നടിക്കാൻ തോന്നിയില്ല…” പറഞ്ഞ് തീർന്നതും അവന്റെ നെഞ്ചിൽ അവൾ മുഖം അമർത്തി വെച്ചു…

ചിരിയോടെ ഒരു കയ്യാൽ  അവളിൽ വലയം തീർത്ത്മറുകൈ കൊണ്ട് അവൻ കാറെടുത്തു…

വൈശു മോളെ… അവരോട് ഒക്കെ ഒരു നാൾ ഇങ്ങോട്ട് വരാൻ പറഞ്ഞില്ലേ നീ…”

“ആ മുത്തച്ഛാ ഞാൻ പറഞ്ഞിട്ടുണ്ട്… ചാരുവും വല്യമ്മയും വല്യച്ഛനും വാരാന്ന് പറഞ്ഞിട്ടുണ്ട്…” വീട്ടിൽ ചെന്ന വിശേഷങ്ങൾ തറവാട്ടിൽ എല്ലാവരോടും രാത്രി ഭക്ഷണം കഴിച്ച് കഴിഞ്ഞ് കൗസല്യയുടെ മടിയിൽ കിടന്ന് വിവരിക്കുകയാണവൾ…

അവളുടെ കളി ചിരിയും കൊഞ്ചലും എല്ലാം മുകളിൽ നിന്നും ഹരി ആസ്വദിച്ചു കൊണ്ടിരുന്നു… അവളെ ഒന്ന് അരികിൽ കിട്ടാൻ… ആ മൂക്കുത്തിയിൽ ഒന്ന് ചുണ്ടമർത്താൻ അവന്റെ ഉള്ളം വല്ലാണ്ട് കൊതിച്ചു….

“എന്നാൽ ന്റെ കുട്ടി പോയി കിടന്നോ കുറേ നേരായി ന്റെ മോൻ നിന്നെയും നോക്കി ചോര കുടിക്കാൻ തുടങ്ങിയിട്ട്” ഉച്ചത്തിൽ മുത്തശ്ശി പറഞ്ഞതും ചമ്മൽ മറച്ച് പിടിച്ച് കൊണ്ടവൻ എല്ലാവരെയും ഒന്ന് തുറിച്ച് നോക്കി മുറിയിലേക്ക് വലിഞ്ഞു…

“ഹ്മ്മ് ഹ്മ്മ്…”അവൻ പോവുന്നത് കണ്ടതും എല്ലാവരും കൂടെ വൈശുവിനെ നോക്കി പ്രത്യേക ഈണത്തിൽ മൂളിയതും കൈ കൊണ്ട് മുഖം മറച്ചവൾ കോണിപ്പടി ഓടി കയറി…

ഓടി മുകളിൽ കയറിയതും മുന്നിൽ തടസ്സമായി ഒരു കൈ നീണ്ടിരുന്നു…വൈശു മുഖം ഉയർത്തി നോക്കിയതും ഏത് ഭാവമാണ് ആ മുഖത്തുള്ളത് എന്നറിയാൻ കഴിയാതെ അവളെ നോക്കി നിൽക്കുന്ന ശ്രീക്കുട്ടിയെ ആയിരുന്നു…

പെട്ടന്ന് ആയിരുന്നു മുന്നോട്ട് ആഞ്ഞ് ശ്രീ അവളെ കെട്ടിപിടിച്ചത്… ഒരു വെടിക്കെട്ട്‌ പ്രതീക്ഷിച്ച വൈശു ശ്രീയുടെ കെട്ടിപിടിത്തത്തിൽ പകച്ച് പോയിരുന്നു… ശ്രീ അവളിൽ നിന്ന് വിട്ട് മാറി വൈശുവിനെ നോക്കിയതും കണ്ണ് വിടർത്തി തന്നെ അത്ഭുതത്തോടെ നോക്കുകയാണവൾ…