❤ വൈശാലി ❤ [VECTOR] 237

മുന്നിലേക്ക് വീണ് കിടക്കുന്ന ചെമ്പൻ മുടിയും വെട്ടി ഒതുക്കിയ താടിയും പെരുപ്പിച്ച് വെച്ചിരിക്കുന്ന മസിലും എല്ലാം കണ്ടതും ചുറ്റുമുള്ളത് എല്ലാം മറന്ന് അവൾ അവനെ തന്നെ നോക്കി നിന്നു… നേത്ര ഗോളങ്ങൾ അവന്റെ ഓരോ അണുവിലും തട്ടി വികസിച്ച് കൊണ്ടിരുന്നു…

ഹ്മ്മ്മ്?? ” മുഖം ഉയർത്തി ചോദ്യ ഭാവത്തോടെ അവൻ ചോദിച്ചതും അവനെ ആകെമാനം ഒപ്പിയെടുക്കുന്നതിൽ ആയിരുന്നു അവൾ… അവന്റെ ചുണ്ടിൽ മനോഹരമായ ഒരു ചിരി വിടർന്നു… അതേ ചിരിയോടെ തന്നെ അവളെ തട്ടി വിളിച്ചതും ഞെട്ടി കൊണ്ടവൾ എന്തെന്ന ഭാവത്തിൽ അവനെ നോക്കി…

“എന്താ നോക്കി നിൽക്കുന്നെ…?? ”

“ഉംച്ചും… ” ചുണ്ട് കൊണ്ട് പ്രത്യേക താളത്തിൽ ആക്ഷൻ കാണിച്ച് കൊണ്ട് അവൾ തിരിഞ്ഞ് നടക്കാൻ ഒരുങ്ങിയതും പിന്നിൽ നിന്നും ഹരിയുടെ വിളി എത്തിയിരുന്നു…

“വൈശാലി…. ” എന്തെന്ന ഭാവത്തിൽ അവൾ തിരിഞ്ഞ് നോക്കി…

എന്താ നിന്റെ കഴുത്തിൽ…? ”

അപ്പോഴാണ് അവളും ശ്രദ്ധിക്കുന്നത് കഴുത്തിലേക്ക് സൂക്ഷിച്ച് നോക്കിയതും രക്തം പൊടിഞ്ഞ് കിടക്കുന്നുണ്ട്…

“ഹും… നാല് കാലിൽ വന്നേച്ച് ന്റെ ചാരിത്ര്യം താൻ നശിപ്പിച്ചില്ലെടാ ഹരി കൊരി… എന്നിട്ടിപ്പോ എന്താന്ന് ചോദിക്കുന്നോ… ന്റെ കണ്ണാ ഞാൻ എന്താപ്പോ ഇങ്ങേരോട് പറയാ…

“ചോദിച്ചത് കേട്ടില്ലേ ഇന്നലെ താലി കെട്ടാൻ നേരം ഒന്നും ഉണ്ടായിരുന്നില്ലല്ലോ… “”സംശയത്തോടെ അവൻ ചോദിച്ചതും ഒന്ന് അവിഞ്ഞ് ഇളിച്ച് കൊണ്ട് അവൾ മറുപടി നൽകി..

“അത് കയ്യിലെ കുപ്പിവള പൊട്ടിയിട്ട് ഉണ്ടായിരുന്നു.. രാവിലെ കുളിച്ചപ്പോ ഡ്രെസ് മാറുമ്പോ കൊണ്ടതാ… ” എങ്ങനൊയൊ പറഞ്ഞ് മുഴുവനാക്കി കൊണ്ട് ബാക്കി ചോദ്യം വരുന്നതിന് മുന്നേ അവൾ തിടുക്കപ്പെട്ട് മുറിയിൽ നിന്നും ഇറങ്ങി…