?അവൾ രാജകുമാരി-11?
Aval Raajakumaari – 11 | Author : ? VICHU[ ചെകുത്താനെ സ്നേഹിച്ച മാലാഖ ] ?  Previous Part

 

 

View post on imgur.com

 

 

” നിന്റെ നിയോഗം അതിലേയ്ക്കുള്ള യാത്രയാണിത് ….. അതിന് മുൻപ് ചില കാര്യങ്ങൾ നീ മനസ്സിലാക്കണം ….. നീ അറിഞ്ഞതും അറിയാത്തതുമായ ചില കാര്യങ്ങൾ ….. ”

 

ആ സന്യാസി അവനോട് പറഞ്ഞു .

 

 

” എന്താണത് …..? ആരാണ് അവളെ കടത്തിക്കൊണ്ട് പോയതെന്ന് അങ്ങേയ്ക്ക് അറിയാമോ …. അതും എന്തിന് …. ? ”

 

ആദിത്യൻ ആ സന്യാസിയോട് ചോദിച്ചു …..

 

 

” ഹ……. ഹാ …….. ഹ…….. ”

 

അതിന് ആദ്യം അയാൾ ഒന്ന് പുഞ്ചിരിച്ചു

 

” എല്ലാം വിധിയാണ് …… സുര്യ വംശജനായി രാജകൊട്ടാരത്തിൽ ജനിച്ച നീ ….. എന്തിനെന്ന് പോലുമറിയാതെ ഇത്രയും വർഷം വനവാസിയായി ജീവിച്ചു …… ചന്ദ്രവംശത്തിലെ രാജകുമാരിയായി ജനിച്ച അവൾ നിന്നെത്തേടി ആരും വരാൻ ഭയക്കുന്ന ആ വനത്തിൽ ധൈര്യപൂർവ്വം വന്നു ….. ഇന്ന് നീ അവളെ തേടി അലയുന്നു ….. ഇതൊക്കെ നിനക്ക് അറിയാവുന്ന സത്യങ്ങൾ ….. ഇനി നീ അറിയാത്ത സത്യങ്ങളുണ്ട് ….. നീ ചോദിച്ച ചോദ്യങ്ങളുടെ ഉത്തരം ….. ”

 

 

” എന്താണ് അത് …..?
പറഞ്ഞാലും … ”

 

ആദിത്യൻ സന്യാസിയോട് ചോദിച്ചു ……

 

ആ സന്യാസി നിലത്തിരിക്കുന്ന ആ കഴുകനെ ഒരു നിമിഷം നോക്കി …….

 

” അവനെ ആ ….. കാലാസുരനെ കുറിച്ച് …… എല്ലാത്തിന്റെയും തുടക്കത്തെകുറിച്ച് ….”

 

ആ സന്യാസി പറഞ്ഞു …..

 

 

” ആരാണയാൾ ….. അയാളും ഞാനും തമ്മിൽ എന്താണ് ബന്ധം ……. ”

 

ആദിത്യൻ സംശയത്തോടെ ചോദിച്ചു …..

 

 

” നിന്റെ മനസ്സിടെ എല്ലാ ചോദ്യങ്ങളുടെയും ഉത്തരം അത് ഒരു കഥയാണ് ….. നടന്നതും ഇപ്പോൾ ബാക്കിയായി തുടരുന്നതുമായ കഥ ….. ”

 

……………………………………………