അമരാപുരിയിലെ കുറച്ച് ജനങ്ങൾ തങ്ങളുടെ വിശ്വാസത്തിലുറച്ച് നിന്നു . മരണത്തിൽ നിന്നു പോലും രക്ഷപ്പെടുന്ന കാലകേയന്റെ പിടിയിൽ നിന്ന് ഏങ്ങനെ രക്ഷ നേടാം , ഇതിന് എന്താണ് പരിഹാരം എന്നൊക്കെ കാലസുരന്റെ ഹീനതകൾക്ക് ഇരയായ എല്ലാ രാജ്യത്തിലേയും ജനങ്ങളും ഭരണകർത്താക്കളും അനേഷിക്കൻ ആരംഭിച്ചു . ഒടുവിൽ എല്ലാ ജനങ്ങളുടെയും മനസ്സിലും നാവിലും പ്രാർത്ഥനയും വിശ്വാസവും മാത്രം ബാക്കിയായി ….

……………………………………………

ആ സമയത്താണ് സൂര്യഗിരിയുടെ അതിർത്തി പ്രദേശത്ത് സൂര്യനിൽ നിന്ന് അടർന്ന് വന്ന ഉൽക്കാശില പതിക്കുന്നതും , സൂര്യ
വംശത്തിന്റെ കുലഗുരവും ജ്യോതിഷ പണ്ഡിതനും ജ്ഞാനിയുമായ
അഗ്നിവേശന് ധ്യാനത്തിനിടയിൽ ലഭിച്ച നിർദ്ദേശപ്രകാരം സൂര്യ അസ്ത്ര എന്ന വാളും ഏകമുഖ രുദ്രാക്ഷമാലയും നിർമ്മിക്കപ്പെട്ടത് .

എന്നാൽ ചന്ദ്രവംശജർ അവ കൈക്കലാക്കാൻ തുനിഞ്ഞതിനെ തുടർന്ന് അവ സൂര്യഗിരിയുടെ അതിർത്തി പ്രദേശത്തെ ഉൾവനത്തിലേയ്ക്ക് മാറ്റി …..

തന്റെ ജീവനെടുക്കാൻ ശക്തിയുള്ള ആയുധം നിർമ്മിക്കപ്പെട്ടു എന്നറിഞ്ഞ കാലാസുരൻ ആ ആയുധം കൈക്കലാക്കാൻ പോരാളികളെ സൂര്യഗിരിയിലെ വനത്തിനുള്ളിലേയ്ക്ക് അയച്ചുവെങ്കിലും വനത്തിനുള്ളിലെ സംരക്ഷണ കവചം കാരണം വന്യമൃഗങ്ങൾ പോരാളികളെ ഭക്ഷണമാക്കി മാറ്റി …….

തന്റെ ജീവനെടുക്കാൻ ഒരുത്തൻ പിറക്കുമെന്നും അവൻ തന്നെ ആ ആയുധവുമായി തന്റെയടുത്ത് വരുമെന്ന് ദുഷ്ടശക്തികളിൽ നിന്ന് മനസ്സിലാക്കിയ കാലാസുരൻ തന്റെ മുന്നിലെ മറ്റുള്ള ആഗ്രഹങ്ങൾ മാറ്റിവച്ച് തന്റെ ജീവനെടുക്കാൻ വരുന്നവനെ കാത്തിരിക്കാൻ ആരംഭിച്ചു , ഒപ്പം കൂടുതൽ ശക്തികൾ നേടാനും … അതും നൂറ്റാണ്ടുകളായി പരകായപ്രവേശത്തിലൂടെ പലയാവർത്തി യുവത്വം വീണ്ടെടുത്ത് കൂടുതൽ ശക്തികൾ സ്വീകരിച്ചുള്ള കാത്തിരുപ്പ് .

……………………………………………