?? അവൾ രാജകുമാരി-11?? [ ചെകുത്താനെ സ്നേഹിച്ച മാലാഖ ] 570

ആ മന്ത്രവാദി കാലകേയൻ പറഞ്ഞതനുസരിച്ച് പരകായ ക്രീയകൾ ആരംഭിച്ചു …… ഹോമകുണ്ഡത്തിലേയ്ക്ക് തൊട്ട് മുൻപ് നടത്തിയ മൃഗബലിയുടെ ബാക്കിയയായ രക്തവും അതിന്റെ മാംസ ഭാഗങ്ങളും അർപ്പിച്ചു ഒപ്പം നെയ്യും …… അവ തീയിൽ വീണതും ശരീരം കത്തുന്ന ദുർഘന്ധത്തോടുകൂടി തീ ആളി കത്തി …..

കാലാസുരൻ ഒരു കത്തി ഉപയോഗിച്ച് തന്റെ വലതു കൈപ്പത്തി കീറി മുറിച്ചു . ശേഷം ആ കീറിമുറിച്ച കൈപ്പത്തി കാലാസുരൻ ആ ഹോമകുണ്ഡത്തിലെ തീയിലേയ്ക്ക് കാണിച്ചു . കൈപ്പത്തിയിലെ ആ മുറിവിലൂടെ പുറത്തേയ്ക്ക് വന്ന ചുടു രക്തം ആ ജ്വലിക്കുന്ന തീയിലേയ്ക്ക് ഇറ്റിറ്റ് വീണു .

ആ ഒഴുകിയിറങ്ങിയ രക്തത്തിലൂടെ കാലാസുൻ തന്റെ ശരീരത്തിലുള്ള ദുഷ്ടമൂർത്തികളുടെ ശക്തികൾ എല്ലാം തീയിലേയ്ക്ക് അർപ്പിച്ചു . അതോടു കൂടി കാലാസുരൻ ഒരു പച്ചയായ സാധാരണ മനുഷ്യനായി മാറി …..

( പരകായ പ്രവേശനത്തിന് മുൻപ് ആദ്യം ശരീരത്തിലുള്ള എല്ലാ അസുര മാന്ത്രിക ശക്തികളും അഗ്നിയിലേയ്ക്ക് അർപ്പിച്ച് ഒരു സാധാരണ മനുഷ്യനായി മാറും , അപ്പോൾ തന്നെ ആ വ്യക്തി യാഥർത്ഥ അവസ്ഥയിലേയ്ക്ക് ഒരു വൃദ്ധന്റെ അവസ്ഥയിലേക്ക് മാറ്റപ്പെടും . ശേഷം തീയിൽ വയ്ക്കുന്ന ആ കത്തിയിലേയ്ക്ക് ആ ശക്തികൾ എല്ലാം ആവാഹിക്കും . പിന്നീട് യുവത്വം കവർന്നെടുക്കേണ്ട യുവാവിന്റെ കഴുത്ത് ആ കത്തി ഉപയോഗിച്ച് കീറിമുറിക്കും , ആ മുറിവിലൂടെ വരുന്ന രക്തത്തെ ഒരു വിശിഷ്ടമായ പാത്രത്തിൽ ശേഖരിച്ച ശേഷം ആ കത്തി ഉയോഗിച്ച് പരകായ പ്രവേശം നടത്തുന്ന വ്യക്തിയുടെ കഴുത്തും കീറിമുറിക്കും …. ശേഷം മുൻപ് ശേഖരിച്ച ചുടു രക്തം അയാളുടെ വായിലേയ്ക്ക് ഒഴിക്കും ….. വേഗം തന്നെ പരകായ പ്രവേശം നടത്തിയയാളുടെ കഴുത്തിലെ മുറിവ് അപ്രത്യക്ഷമാകും അയാൾ പൂർവ്വാധികം ശക്തികളോടെ യുവത്വം സ്വീകരിച്ച് അബോധ അവസ്ഥയിൽ നിന്നുണരും ….. )