ഏകദേശം ഏഴടിയോളം ഉയരവും അതിനൊത്ത ശരീരവുമുള്ള ഒരു മനുഷ്യ രൂപം …. കാഴ്ചയിൽ തന്നെ ഒരു അസുരനെ പോലെ തോന്നിപ്പിക്കുന്ന ദീകരമായ ഭാവം ….. ഇരു കണ്ണിലും കടും ചുവപ്പ് നിറം ……

കാലാസുരൻ ഇരുമ്പഴിക്കുള്ളിൽ ആ കാരാഗ്രഹത്തിൽ ഭയത്തോടെ നിലത്തിരിക്കുന്ന അവന്തികയെ നോക്കി …. അവന്റെ മുഖത്ത് ഒരു വിജയിയുടെ അഹങ്കാരം നിറഞ്ഞ പുഞ്ചിരി വന്ന് നിറഞ്ഞു …. പെട്ടെന്ന് തന്നെ ആ മുഖത്ത് ദേഷ്യം നുര പൊന്തി വന്നു . കടും ചുവപ്പായ ആ കണ്ണുകളിൽ ദേഷ്യം കാരണം ഞരമ്പുകൾ തെളിഞ്ഞു വന്നു . ആ ദേഷ്യ ഭാവത്തിൽ അവളെ നോക്കിയ ശേഷം പെട്ടെന്ന് തന്നെ കാലസുരൻ അവിടെ നിന്ന് തിരിച്ചു പോയി …..

കാലാസുരന്റെ രൂപവും മുഖത്തുള്ള ഭാവവുമൊക്കെ കണ്ട് ഓരോ നിമിഷവും ഭയം കാരണം മരിക്കുന്ന അവസ്ഥയിലായിരുന്നു അവൾ . പെട്ടെന്നാണ് ഈ രൂപം മുൻപ് എവിടെയോ കണ്ടിട്ടുണ്ട് എന്ന ചിന്ത അവളുടെ മനസ്സിൽ കയറി വന്നത് . അപ്പോഴാണ് ദിവസങ്ങൾക്ക് മുൻപ് താൻ കണ്ട ആ ദു:സ്വപ്നത്തെ കുറിച്ച് അവൾ ഓർത്തത് ….

” അതെ ആ സ്വപ്നത്തിൽ കണ്ട ആ മനുഷ്യൻ തന്നെയാണിത് . ”

ആ സ്വപ്നം അവൾ ഓർത്തെടുത്തു . ആ യുവാവ് ഈ മനുഷ്യന്റെ കൈകളിൽ കിടന്ന് പിടയുന്ന ദൃശ്യം അവളുടെ ഓർമ്മയിലേയ്ക്ക് വന്നു . ഒരു നിമിഷം അവൾ മനസുരുകി പ്രാർത്ഥിച്ചു തന്നെ തേടി ആ യുവാവ് ഇങ്ങോട്ട് വരരുതേ എന്ന് ……

……………………………………………

സമയം ഏറെ വൈകി …. സൂര്യൻ ആഴിയിലേയ്ക്ക് മറയാൻ തയ്യാറെടുത്ത് നിൽക്കുന്നതു പോലെ …. ഏങ്ങും സന്ധ്യാ സമയത്തെ ചുവപ്പ് കലർന്ന വെളിച്ച് പടർന്നിരിക്കുന്നു …..