?? അവൾ രാജകുമാരി-11?? [ ചെകുത്താനെ സ്നേഹിച്ച മാലാഖ ] 570

ആ മന്ത്രവാദി ആദിത്യന്റെയടുത്ത് മുട്ടുകുത്തി നിന്നു . വലതു കയ്യിൽ ആ കത്തി മുറുക്കെ പിടിച്ച ശേഷം ആ കത്തി അയാൾ അവന്റെ കഴുത്തിനടുത്തേയ്ക്ക് നീട്ടി …..

” ……….ഘങ്ർർർർ ………ഘങ്ർർർർ ……… ”

പെട്ടെന്ന് ഒരു വന്യമൃഗത്തിന്റെ മുരൾച്ച കേട്ടതും ആ മന്ത്രവാദിയും അവിടെ ചുറ്റും നിന്ന വാസുരവംശജരും തിരിഞ്ഞ് നോക്കി …….
വീണ്ടും ഒരു അലർച്ചയാർന്ന ഗർജനത്തോടെ ഇരുൾ നിറഞ്ഞ വനത്തിലെ മരങ്ങൾക്കിടയിൽ നിന്ന് ഒരു സിംഹം ചാടി വന്നു …..

പെട്ടെന്നുള്ള ആ ആക്രമണത്തിൽ വനാസുരവംശജർ ഒന്ന് ഭയന്നു ….. അവർക്ക് ആലോചിക്കാൻ സമയം ലഭിക്കുന്നതിന് മുൻപ് തന്നെ മരങ്ങൾക്കിടയിൽ നിന്ന് ചാടി വന്ന സിംഹം ആദിത്യന്റെ മുൻപിൽ കത്തിയുമായി മുട്ടുകുത്തി നിൽക്കുന്ന ആ മന്ത്രവാദിയുടെ ശരീരത്തിലേയ്ക്ക് ചാടി കയറി , അയാളെ നിലത്തേയ്ക്ക് തള്ളിയിട്ട ശേഷം സിംഹം അയാളുടെ കഴുത്തിലേയ്ക്ക് പല്ലുകൾ താഴ്ത്തിയിറക്കി .
അയാളുടെ നിലവിളി ശബ്ദം ആ വനത്തിൽ മുഴുവൻ നിറഞ്ഞു

സിംഹം അയാളുടെ കഴുത്തിൽ പല്ലുകൾ താഴ്ത്തിയിറക്കിയ ശേഷം ശരീരത്തിൽ നിന്നും അയാളുടെ തലയെ വേർപെടുത്തി ……

” ……….ഘങ്ർർർർ ………ഘങ്ർർർർ ……… ”

സിംഹം വീണ്ടും അത്യുച്ചത്തിൽ ഗർജിച്ചതും പീഠത്തിൽ കിടന്ന ആദിത്യൻ കണ്ണുകൾ തുറന്ന ശേഷം അതിവേഗം ചാടി എണീറ്റു ….. ഒപ്പം അടുത്ത പീഠത്തിൽ കിടന്ന കാലാസുരനും മയക്കത്തിൽ നിന്നുണർന്നു .