” ഉത്തരവ് പോലെ പിതാവേ ……”

അഗ്നിമിത്രൻ പിതാവിനോട് പറഞ്ഞ ശേഷം അവിടെ നിന്ന് പോയി ….

……………………………………………

ആ ഇരുൾ നിറഞ്ഞ വനത്തിനുളിൽ ……

അബോധ അവസ്ഥയിലായിരുന്ന അവന്തിക മയക്കം വിട്ടുണർന്ന് ചുറ്റും നോക്കി എണ്ടും ഇരുണ്ട ഒരു തരം വെളിച്ചം മാത്രം . ഒരു കാരാഗ്രഹത്തിനുള്ളിൽ തന്നെ ബന്ധിയാക്കിയിരിക്കുകയാണെന്ന് അവൾക്ക് മനസ്സിലായി …. പുറത്ത് തീപ്പന്തം കത്തുന്നതിന്റെ നേരിയ വെളിച്ചം മാത്രം ….. ഭയവും പേടിയും കാരണം അവളുടെ മനസ്സ് മരവിച്ച അവസ്ഥയിലായിരുന്നു . അവൾ ആ കാരാഗ്രഹത്തിലെ ഇരുമ്പഴികളിലൂടെ പുറത്തേയ്ക്ക് നോക്കി ആരെയും പുറത്ത് കാണാനില്ല …… കാരാഗ്രഹത്തിന്റെ ഇരുമ്പഴികൾ ചങ്ങല ഉപയോഗിച്ച് പുറത്ത് നിന്ന് ബന്ധിച്ചിരിക്കുന്നു . ഭയം കാരണം അവളുടെ കണ്ണുകൾ നിറഞ്ഞ് തുളുമ്പി . എന്ത് ചെയ്യണമെന്ന് അറിയാത്ത അവസ്ഥ .

അവൾ പുറകോട്ട് നീങ്ങി കാരാഗ്രഹത്തിലെ ചുവരിൽ ചാരി മുട്ടുകൾ മടക്കി തലകുനിച്ച് നിലത്തിരുന്നു .

പെട്ടെന്നാണ് പുറത്ത് ഒരാളുടെ കാലൊച്ച കേട്ടത് . ആ ശബ്ദം കേട്ടതും അവന്തിക ഞെട്ടി …. ഉള്ളിൽ ഭയം ശക്തമാകാൻ തുടങ്ങി …… അവൾ മുഖം ഉയർത്തി ഭയത്തോടെ മുന്നിലേയ്ക്ക് നോക്കി ….. ഇരുമ്പഴികൾക്ക് പുറത്ത് നിൽക്കുന്ന ആ രൂപം കണ്ട് അവന്തികയുടെ ഉള്ളിൽ ഭയം വർദ്ധിച്ചു .