?? അവൾ രാജകുമാരി-11?? [ ചെകുത്താനെ സ്നേഹിച്ച മാലാഖ ] 570

കാലാസുരന്റെ അജ്ഞ അനുസരിക്കുന്ന ദുഷ്ട ശക്തികളാണ് തങ്ങൾക്ക് ഈ രോഗം വിതയ്ച്ചത് എന്ന് മനസ്സിലാക്കാത്ത ആ രാജ്യത്തിലെ പലരും കാലാസുരന്റെ വാക്കുകൾ കേട്ട് അവന്റെ ദുഷ്ടമൂർത്തികളെ ആരാധിക്കാൻ ആരംഭിച്ചു . എന്നാൽ തങ്ങളുടെ വിശ്വാസവും പാരമ്പര്യവും മുറുക്കെ പിടിച്ചിരുന്ന ഒരു കൂട്ടർ കാലകേയന്റെ വാക്കുകൾ വിശ്വസിക്കാതെ തങ്ങളുടെ വിശ്വാസം തന്നെ പിന്തുടർന്നു .

കാലാസുരൻ താൻ ആർജിച്ച ശക്തികൾ പ്രയോജനപ്പെടുത്തി ഒരു വലിയ കൂട്ടം ജനത്തെ തന്നെ തന്റെ കൈപ്പിടിയിലാക്കി…..

കൂടുതൽ ശക്തി സ്വീകരിക്കാൻ നരബലി പോലുള്ള ഹീന കൃത്യങ്ങളും അയാൾ സ്വീകരിക്കാൻ ആരംഭിച്ചു . തന്റെ വിശ്വാസത്തിലേയ്ക്ക് വരാത്ത നിഷ്കളങ്കരായ ജനങ്ങൾക്കിടയിൽ നിന്നും കുട്ടികളെയും മുതിർന്നവരെയും അങ്ങനെ പ്രായവ്യത്യാസമന്യേ ജനങ്ങളെ പിടിച്ചു കൊണ്ട് വന്ന് ദുഷ്ടമൂർത്തിയെ പ്രീതിപ്പെടുത്തുവാൻ കാലാസുരൻ ബലിയായി അർപ്പിച്ചു ….. ദുഷ്ടമൂർത്തിയുടെ മായാവലയത്തിൽ അകപ്പെട്ട ജനങ്ങളും ഇതിനൊക്കെ കൂട്ട് നിന്നു …..

തന്റെ വിശ്വാസം സ്വീകരിച്ചവരിൽ ആരോഗ്യവാന്മാരായ യുവാക്കളിൽ കാലാസുരൻ മാന്ത്രിക വിദ്യ പ്രയോഗിച്ച ശേഷം കഠിനപ്രയത്നങ്ങളിലൂടെയും ആഭിചാരക്രീയകളിലൂടെയും ആരെയും കടത്തിവെട്ടുന്ന പോരാളികളാക്കി അവരെ മാറ്റി …… അവരുടെ മനസ്സു പോലും തന്റെ ഇഷ്ടത്തിന് നിയന്ത്രിക്കാനാകുന്ന വിധത്തിൽ മാന്ത്രികവിദ്യയിലൂടെ അവരെ അടിമകളാക്കി , അങ്ങനെ കാലാസുരൻ തന്റെ ശക്തി ദിനംപ്രതി വർദ്ധിപ്പിച്ചു .