ഇതെല്ലാം നോക്കി മുകളിൽ വട്ടമിട്ട് പറന്ന കഴുകൻ താഴേയ്ക്ക് ആദിത്യന്റെയടുത്ത് ആ മരക്കൊമ്പിൽ വന്നിരുന്നു .

കഴുകൻ അവനെനെ നോക്കിയ ശേഷം നിലത്തേയ്ക്ക് നോക്കി ശബ്ദിച്ചു . അവൻ പതിയെ മരത്തിന്റെ മുകളിൽ നിന്ന് നിലത്തേയ്ക്ക് ഇറങ്ങി

തന്റെ ചുറ്റും ജീവൻ നഷ്ടമായി മരിച്ച് കിടക്കുന്ന കാലാസുരന്റെ പോരാളികളെ അവൻ നോക്കിയ ശേഷം മുന്നോട്ട് യാത്ര തുടർന്നു .

……………………………………………

ഹോമകുണ്ഡത്തിനുമുന്നിൽ തെളിയിച്ച് വച്ചിരുന്ന ദീപം പെട്ടെന്ന് അണഞ്ഞതും കാലാസുരൻ മന്ത്രങ്ങൾ ജപിച്ചു കൊണ്ടിരുന്ന മന്ത്രവാദിയുടെ മുഖത്തേയ്ക്ക് നോക്കി …….

” നീ ചിന്തിച്ചത് ശരി തന്നെ ….. നീ അയച്ച നിന്റെ പോരാളികളെ അവൻ അനായാസം വധിച്ചിരിക്കുന്നു …….. ”

മന്ത്രവാദി അത്രയും പറഞ്ഞ ശേഷം മുൻപിലെ ഹോമകുണ്ഡത്തിലേയ്ക്ക് നോക്കി വീണ്ടും മന്ത്രങ്ങൾ ജപിക്കാൻ ആരംഭിച്ചു .

കാലാസുരൻ അവിടെ നിന്ന് വേഗം എണീറ്റു ……

……………………………………………

മുന്നോട്ട് പോയതും ദൂരെ ആളിക്കത്തുന്ന ഒരു തീനാളം അവൻ കണ്ടു …. അൽപം മുന്നോട്ട് പോയതും അത് ഒരു ഹോമകുണ്ഡമാണെന്ന് അവന് മനസ്സിലായി ….. മുന്നിലായി ഒരാൾ ഇരുന്ന് എന്തൊക്കെയോ ക്രീയകൾ ചെയ്യുന്നു …..

അൽപം കൂടി മുന്നോട്ട് പോയതും ആദിത്യന്റെ ചുറ്റും കാലാസുരന്റെ പോരാളികൾ നിരന്നു മുൻപിലായി കാലാസുരനും ……

തന്റെ ചുറ്റും പോരാളികൾ നിരന്നത് കണ്ടതും ആദിത്യൻ തന്റെ വലതു കയ്യിൽ വാൾ മുറുക്കെ പിടിച്ചു ……..

മുന്നിൽ നിന്ന കാലാസുരൻ കൈ ഉയർത്തിയതും ചുറ്റും ആയുധങ്ങളുമായി നിന്ന പടയാളികൾ പിൻവലിഞ്ഞു . കാലാസുരൻ ആദിത്യന്റെ കയ്യിൽ ഇരിക്കുന്ന വാളിലേയ്ക്ക് തന്നെ സൂക്ഷിച്ച് നോക്കി …..