?? അവൾ രാജകുമാരി-11?? [ ചെകുത്താനെ സ്നേഹിച്ച മാലാഖ ] 570

കാലാസുരൻ സാധാരാണ മനുഷ്യനായി മാറിയതോടൊപ്പം അയാളുടെ യുവത്വവും നഷ്ടമായി വാർദ്ധക്യ അവസ്ഥയിലേക്ക് മാറ്റപ്പെട്ടു ……. അയാൾ കൈപ്പത്തി കീറിമുറിക്കൻ ഉപയോഗിച്ച കത്തി മന്ത്രവാദിക്കു നേരെ നീട്ടി അയാൾ അതു വാങ്ങി ഹോമകുണ്ഡത്തിലെ തീയിലേയ്ക്ക് താഴ്ത്തി വച്ചു .

കാലാസുരൻ അവിടെ നിന്നും എണീറ്റ് ഹോമകുണ്ഡത്തിനടുത്ത് പ്രതിഷ്ടിച്ചിരിക്കുന്ന അസുര മൂർത്തിയുടെ വിഗ്രഹത്തിന് മുന്നിലുള്ള പീഠത്തിൽ നിവർന്ന് കിടന്ന ശേഷം കണ്ണുകളടച്ചു ……

” അവനെ എടുത്ത് ആ പീഠത്തിൽ
കിടത്തുക ….. ”

കർമ്മം ചെയ്തുകൊണ്ടിരുന്ന ആ മന്ത്രവാദി നിർദ്ദേശം നൽകിയതും വനാസുര വംശജരായ രണ്ടു പേർ അബോധ അവസ്ഥയിൽ കിടന്ന ആദിത്യനെ കാലാസുരന്റെ അടുത്ത് മറ്റൊരു പീഠത്തിൽ കൊണ്ട് കിടത്തി ……

മരത്തിന്റെ മുകളിൽ ഇതെല്ലാം നോക്കി ഇരുന്ന കഴുകൻ ചുറ്റും ഒന്ന് നിരീക്ഷിച്ചു ശേഷം സന്തോഷം കൊണ്ട് പതിയെ ചിറകുകളിട്ടടിക്കാൻ തുടങ്ങി ……….

ആ മന്ത്രവാദി വീണ്ടും കുറേ മന്ത്രങ്ങൾ ഉരുവിട്ട ശേഷം ഹോമകുണ്ഡത്തിലേയ്ക്ക് ചില വസ്തുക്കൾ എറിഞ്ഞു . ഹോമകുണ്ഡത്തിലെ തീയിൽ താഴ്ത്തി വച്ചിരുന്ന ആ കത്തി അയാൾ കയ്യിൽ എടുത്തു . തീയിൽ ചുട്ടുപഴുത്ത ആ കത്തിയുമായി അയാൾ ആദിത്യന്റെ കഴുത്ത് കീറിമുറിക്കാനായി മന്ത്രങ്ങൾ ഉരുവിട്ടു കൊണ്ട് അവന്റെ അടുത്തേയ്ക്ക് നീങ്ങി ……….