……………………………………………

മരത്തിന്റെ മുകളിൽ ഇരുന്ന ആദിത്യൻ വില്ല് കയ്യിൽ എടുത്തു ആവനാഴിയിൽ നിന്ന് അസ്ത്രമെടുത്ത് വില്ലിൽ വച്ച് താഴെ നിലത്ത് തിരച്ചിൽ നടത്തുന്ന വനാസുരന്മാരിൽ ഒരാളെ ലക്ഷ്യം വച്ച് ഞാൺ വലിച്ച് അസ്ത്രം എയ്തു . അത് ഒരുവന്റെ തലയിൽ തലയോട്ടിയെ പോലും തുളച്ച് ഉള്ളിലേയ്ക്ക് കയറി , ഉടനെ തന്നെ അവൻ ജീവൻ നഷ്ടമായി നിലത്തേയ്ക്ക് മറിഞ്ഞ് വീണു .

” ഗരുഡാ …….. ”

കൂട്ടത്തിലുള്ള ഒരുവൻ തന്റെ ആയുധം നിലത്തിട്ട ശേഷം മരിച്ചു വീണ ആ പോരാളിയുടെ അടുത്തേയ്ക്ക് വന്ന് അവന് മുന്നിൽ മുട്ടുകുത്തി നിന്നു .

തന്റെ കൂട്ടത്തിൽ ഉള്ള ഒരു വൻ മരിച്ച് വീഴുന്നത് കണ്ട ബാക്കിയുള്ളവർ ആ നിമിഷം ഒന്ന് ഞെട്ടി .

” മ് അവൻ ഇവിടെ തന്നെയുണ്ട് ….. വേഗം …. വേഗം അവനെ കണ്ടുപിടിക്ക് …… ”

തറയിൽ മുട്ടുകുത്തി നിന്ന അവൻ മറ്റുള്ളവരോട് ശബ്ദമുയർത്തി പറഞ്ഞു .

അവർ അസ്ത്രം വന്ന ദിശയിലേയ്ക്കും മരത്തിന്റെ മുകളിലേയ്ക്കും മറ്റും നോക്കി പക്ഷെ മറഞ്ഞിരുന്ന ആദിത്യനെ അവർക്ക് കണ്ടെത്താനായില്ല …… അവരുടെ ഉള്ളിലും ചെറിയ ഭയം നിഴലിച്ച് തുടങ്ങിയിരുന്നു .
അവർ അതിവേഗം അവിടെ മുഴുവൻ തിരയാൻ ആരംഭിച്ചു …..

മരത്തിന്റെ മുകളിൽ പതിയിരുന്ന ആദിത്യൻ നിമിഷ സമയം കൊണ്ട് തന്നെ അതി വേഗം അസ്ത്രങ്ങൾ ഓരോന്നായി താഴെ നിന്നവരെ ലക്ഷ്യമാക്കി എയ്തു . താഴെ ആയുധങ്ങളുമായി നിന്നവരുടെ നെഞ്ചിലും തലയിലുമെല്ലാം അസ്ത്രങ്ങൾ തുളയച്ച് കയറി ….. ഏതാനം നിമിഷങ്ങൾ കൊണ്ട് തന്നെ താഴെ നിന്ന ഇരുപതോളം പേരെ ആദിത്യൻ അമ്പെയ്ത് കീഴ്പ്പെടുത്തി …..