?? അവൾ രാജകുമാരി-11?? [ ചെകുത്താനെ സ്നേഹിച്ച മാലാഖ ] 570

വർഷങ്ങൾ കഴിഞ്ഞു പോയി …….

തന്റെ പിതാവിനെ തൂക്കിലേറ്റിയതും തന്നെ അമരാപുരിയിലെ ജനങ്ങൾ ആട്ടിയകറ്റിയതുമൊക്കെ മാനവേന്ദ്രനന്റെ മനസ്സിൽ കെടാത്ത കനൽ പോലെ നീറി കൊണ്ടിരുന്നു …. ഒടുവിൽ അത് അവനിൽ പകയും ദേഷ്യവും ജ്വലിപ്പിച്ചു .

എന്ത് കാരണത്താലാണ് തന്റെ പിതാവിനെ തൂക്കിലേറ്റിയത് തന്നെ ആട്ടിയകറ്റിയത് ആ കാരണത്തിലേയ്ക്ക് തന്നെ ആ ജനങ്ങളെ എത്തിക്കണമെന്നും തനിക്ക് അവരുടെ മേൽ ആധിപത്യം സ്ഥാപിക്കണമെന്നും അവരെ അടിമകളാക്കണമെന്നും മാനവേന്ദ്രൻ മനസ്സിൽ കുറിച്ചു .

ഓർമ്മ വച്ച നാൾ മുതൽ പിതാവ് ചെയ്യുന്ന കൊടും മന്ത്രവാദക്രിയകൾ കണ്ടും മനസ്സിലാക്കിയും വളർന്ന അവന്റെ മനസ്സിൽ ഉണ്ടായിരുന്ന വാശിയും അഹങ്കാരവും അവനെ അവന്റെ പിതാവിന്റെ മാർഗ്ഗത്തിലേയ്ക്ക് തന്നെ തിരിച്ചു …… പിതാവ് എഴുത്തോലയിൽ കുറിച്ച് വച്ചിരുന്ന ഒരിക്കലും പ്രയോഗിച്ച് കൂടാത്തതും അത്യാപത്ത് വരുത്തി വയ്ക്കുന്നതുമായ ഒട്ടേറെ മന്ത്രങ്ങളും ക്രീയകളും അവൻ മന:പാഠമാക്കി …..

ആ വനത്തിനുള്ളിൽ ആഹാരവും ജലവും പോലും ഉപേക്ഷിച്ച് സൂര്യപ്രകാശം പോലും ഏൽക്കാതെയുള്ള പല കഠിനമായ ക്രിയകളും അസുര മൂർത്തി സേവകളും അവൻ ആരംഭിച്ചു …. ഒടുവിൽ മനുഷ്യവാസം ഇല്ലാത്ത ആ കൊടും വനത്തിൽ തന്റെ അസുര മൂർത്തിയെ പ്രതിഷ്ഠിടിച്ച് അയാൾ ദുഷ്ടമൂർത്തികളെ പ്രതീപ്പെടുത്തുവാനും മാന്ത്രിക ശക്തികളും അസുരശക്തികളും സ്വീകരിക്കുവാൻ ആരംഭിച്ചു …..