?? അവൾ രാജകുമാരി-11?? [ ചെകുത്താനെ സ്നേഹിച്ച മാലാഖ ] 570

കാലാസുരൻ തന്റെ രാജ്യത്തെ പാവപ്പെട്ട ജനങ്ങളെ ബലമായി പിടിച്ചു കൊണ്ട് പോയി നരബലിയായി അർപ്പിക്കുന്നു എന്നറിഞ്ഞ അമരാപുരിയിലെ രാജാവ് കാലസുരനെ പിടിച്ചു കൊണ്ട് വരാനായി സൈന്യത്തെ അയച്ചുവെങ്കിലും കാലാസുരന്റെ ആജ്ഞ അനുസരിക്കുന്ന പോരാളികളുടെ കയ്യാൽ അവർ ദാരുണമായി കൊല്ലപ്പെട്ടു , അതോടു കൂടി രാജാവിനു പോലും കാലാസുരനെ നേരിടാൻ ധൈര്യമില്ലാതെയായി …..

അമരാപുരിയുടെ അതിർത്ഥി പങ്കിടുന്ന സൂര്യഗിരിയിലേയും ചന്ദ്രമംഗലത്തിലേയും ജനങ്ങളെയും തന്റെ വിശ്വാസത്തിലേയ്ക്ക് എത്തിക്കാൻ കാലാസുരൻ ശ്രമിച്ചുവെങ്കിലും ആ പരിശ്രമങ്ങൾ ഫലം കണ്ടില്ല . അതിന്റെ വാശിയിൽ ആ രാജ്യങ്ങളിലെ അതിർത്ഥി പ്രദേശത്ത് വസിക്കുന്ന ജനങ്ങളെ തന്റെ പടയാളികളെ ഉപയോഗിച്ച് കൊലപ്പെടുത്തുവാനും കുഞ്ഞുങ്ങളെയും കന്യകമാരായ യുവതികളെയും ബലി കൊടുക്കാനായി തട്ടിക്കൊണ്ടുവരാനും ആരംഭിച്ചു .

തന്നെ എല്ലവരും ഭയത്തോടെ ബഹുമാനിക്കണമെന്ന അത്യാഗ്രഹത്തിൽ മതിമറന്ന കാലാസുരൻ പല ഹീനമാർഗങ്ങളും സ്വീകരിച്ചു , അതിൽ കൂടുതൽ ഇരയായത് അമരാപുരിയിലെ ജനങ്ങളായിരുന്നു …..

കാലാസുരൻ തങ്ങളുടെ രാജ്യത്ത് നടത്തിയ അതിക്രമങ്ങൾക്ക് പകരം വീട്ടാനായി സൂര്യഗിരിയിലെയും ചന്ദ്രമംഗലത്തിലെയും രാജാക്കന്മാർ എല്ലാ ആയുധകലയിലും നൈപുണ്യം നേടിയ യോദ്ധാക്കളെ കാലാസുരനെ വധിക്കാനായി അയച്ചു ….. എന്നാൽ അവർക്ക് കാലാസുരന്റെ പടയാളികളുടെ മുന്നിൽ പിടിച്ചു നിൽക്കാൻ പോലും സാധിച്ചില്ല ……