?? അവൾ രാജകുമാരി-11?? [ ചെകുത്താനെ സ്നേഹിച്ച മാലാഖ ] 570

ആദിത്യനെ നേരിടാനായി അവന്റെയടുത്തേയ്ക്ക് ആയുധങ്ങളുമായി ഓടിയടുത്ത വനാസുരവംശജരായ പോരാളികൾക്ക് ആ തീവ്രതയേറിയ പ്രകാശത്തിനു മുന്നിൽ പിടിച്ച് നിൽക്കാൻ സാധിച്ച …… അവൾ ആയുധങ്ങൾ താഴെയിട്ട ശേഷം ഇരു കൈകൾ കൊണ്ടും കണ്ണുകൾ പൊത്തിപ്പിടിച്ചു .

പീഠത്തിൽ നിന്ന് എണീറ്റ കാലാസുരൻ വാളിൽ നിന്ന് വന്ന പ്രകാശം കണ്ണിൽ പതിച്ചതും കണ്ണുകളടച്ച് അൽപം പുറകോട്ട് നീങ്ങി .

വളരെ വേഗത്തിൽ ആദിത്യൻ ആ വാൾ മുന്നിൽ നിന്ന കാലസുരന്റെ നെഞ്ചിലേയ്ക്ക് അവന്റെ ഹൃദയ ഭാഗത്തായി കുത്തിയിറക്കി …… പ്രാണൻ പോകുന്ന വേദനയിൽ കാലാസുരൻ നിലവിളിച്ചു ….. നെഞ്ചിൽ കുത്തിയിറക്കിയ വാൾ പെട്ടെന്ന് തന്നെ ആദിത്യൻ വലിച്ചൂരിയശേഷം കാലാസുരന്റെ കഴുത്തിന് നേരെ വീശി ….. ആ വാൾ വന്ന് പതിച്ചതും കാലസുരന്റെ ഉടലും ശിരസ്സും വേർപെട്ട ശേഷം നിലത്തേയ്ക്ക് മറിഞ്ഞ് വീണു …… അവന്റെ ശരീരത്തിൽ നിന്ന് രക്തം വാർന്നൊഴുകാൻ തുടങ്ങി …….

പെട്ടെന്ന് ഒരു ഉഗ്രസ്ഫോടന ശബ്ദത്തോടെ ആ വാളിൽ നിന്നും വളരെയധികം പ്രകാശം പുറപ്പെട്ടു ….. അതിന്റെ തീവ്രതയിൽ കാലാസുരന്റെ അസുരമൂർത്തിയുടെ വിഗ്രഹം പൊട്ടിചിതറി നിലത്ത് വീണു …… ആ പ്രകാശം ആ വനം മുഴുവൻ അതി വേഗം പടർന്നു ….. കാലാസുരന്റെ മായാവലയത്തിൽ അകപ്പെട്ട് പൈശാചിക ശക്തികൾ നിയന്ത്രിച്ചിരുന്ന വനാസുരവംശജരായ അമരാപുരിയിലെ യുവാക്കൾ തൽക്ഷണം ബോധരഹിതരായി കുഴഞ്ഞ് വീണു .