” ഹ …… ഹാ……… ഹ ……… അവൻ എത്തി എന്നെ കൊല്ലാൻ പിറന്നവൻ .മ് പോകൂ …… അവനെ ജീവനോടെ ഇവിടെ എത്തിക്കൂ ….. ”

കാലാസുരൻ തന്റെ പോരാളികളിൽ ചിലരോട് ആജ്ഞാപിച്ചു …. അവർ വേഗം തന്നെ ആയുധങ്ങളുമായി അവിടെ നിന്ന് തിരിച്ചു .

” മഹാ പുരോഹിതാ …… പൂജകൾ ആരംഭിക്കട്ടെ …. ഇന്ന് എന്റെ മരണം എന്ന അതിർ വരമ്പിനെ തുടച്ച് മാറ്റുന്ന ….. പ്രക്യതിയുടെ നിയമം പോലും മാറ്റിയെഴുതുന്ന ദിവസമാണ് ….. ഇന്ന് മുതൽ ഞാൻ അജയ്യനാണ് മരണമില്ലാത്തവൻ ….. ഹാ…… ഹ…… ”

കാലാസുരൻ മന്ത്രവാദിയോട് പറഞ്ഞ ശേഷം അട്ടഹസിക്കാൻ ആരംഭിച്ചു .

കാലാസുരൻ വലതു കൈ മുന്നിലേയ്ക്ക് നീട്ടിയതും ആ മൂങ്ങ പറന്ന് അവന്റെ കൈയ്യിൽ വന്നിരുന്നു .

” മ് പോകൂ ….. അവിടെ എന്താണ് സംഭവിക്കുന്നതെന്ന് നിരീക്ഷിച്ച് മടങ്ങിവരൂ …… ”

കാലാസുരൻ മൂങ്ങയുടെ കണ്ണുകളിലേയ്ക്ക് നോക്കിക്കൊണ്ട് പറഞ്ഞു . ഉടനെ തന്നെ ആ മൂങ്ങ ദൂരേയ്ക്ക് പറന്നുയർന്നു …….

……………………………………………

ആദിത്യൻ ആ വനത്തിനുള്ളിലേയ്ക്ക് പ്രവേശിച്ചു . അരണ്ട വെളിച്ചം മാത്രമുള്ള ഒരു പൈശാചികത തോന്നിപ്പിക്കുന്ന ആ വനത്തിനുള്ളിലൂടെ ആദിത്യൻ മുന്നോട്ട് നടന്ന് നീങ്ങി . പെട്ടെന്ന് കഴുകൻ തിരികെ പറന്ന് അവന്റെ തോളിൽ വന്നിരുന്ന ശേഷം ക്ലീ ………. ക്ലീ ………. ക്ലീ ………. എന്ന് മരത്തിന്റെ മുകളിലേയ്ക്ക് നോക്കി പതിയെ ശബ്ദിക്കാൻ തുടങ്ങി . കഴുകൻ പറഞ്ഞതു മനസ്സിലാക്കിയ ആദിത്യൻ വേഗം തന്നെ വലിയ ഒരു മരത്തിനു മുകളിലേയ്ക്ക് ഉയരത്തിൽ കയറി ശേഷം ഒരു കൊമ്പിൽ ശബ്ദമുണ്ടയാക്കാതെ ഇരുന്നു അവന്റെ അടുത്തായി ആ കൊമ്പിൽ കഴുകനും .