?അരികത്തായാരോ – 7 ?
Arikathayaro…  Part – 7 

Author : വിച്ചു [ചെകുത്താനെ സ്നേഹിച്ച മാലാഖ] 

Previous Part

View post on imgur.com

…………………………

” എന്താണെന്ന് അറിയില്ല അച്ഛാ , ഇതിൽ തന്നെ നോക്കി നിൽക്കാൻ തോന്നും കണ്ണെടുക്കാനേ പറ്റുന്നില്ല . ഇത് കാണുമ്പോൾ അമ്മ മരിച്ചിട്ടില്ല എന്ന തോന്നലാ മനസ്സിൽ വരുന്നത് , ഇപ്പോഴും ജീവനോടെ മുന്നിൽ നിൽക്കുന്ന പോലെ …. അവനിത് എങ്ങനെയാ അച്ഛാ വരച്ചത് , അതും അമ്മയുടെ ഇപ്പോഴത്തെ മുഖം എങ്ങനെയാണോ ഉണ്ടാവുക അതേ രീതിയിൽ തന്നെ …. അതും ശരിക്കും ജീവനുള്ളത് പോലെ …..”

അതിൽ തന്നെ നോക്കി നിന്നുകൊണ്ട് അവൾ ചോദിച്ചു …

” അറിയില്ല മോളേ …. ഞാനും യഥാർത്ഥത്തിൽ ഇത്രയും പ്രതീക്ഷിച്ചില്ല അതും ചുരുങ്ങിയ സമയം കൊണ്ട് . നിനക്കൊരു ബർത്ത് ഡേ സമ്മാനമായി നിന്റെ അമ്മയുടെ ഒരു ചിത്രം വരയ്ക്കണമെന്ന് മാത്രമേ ഞാൻ അവനോട് പറഞ്ഞുള്ളൂ …. നിന്റെ അമ്മയുടെ ഫോട്ടോയിൽ കുറച്ച് നേരം നോക്കി നിന്നിട്ട് അവനാ പറഞ്ഞത് എന്റെ മനസ്സിൽ ഒരു ചിത്രമുണ്ട് ഞാനത് വരയ്ക്കാമെന്ന് … എല്ലാം പൂർത്തിയാക്കി കഴിഞ്ഞ് ചിത്രം കണ്ടപ്പോൾ ഞാനും നിന്നെപ്പോലെ തന്നെ ഞെട്ടിത്തരിച്ച് നിന്നുപോയി …. ചിലത് അങ്ങനെയാ … ജന്മവാസന അല്ലെങ്കിൽ പാരമ്പര്യമായി കിട്ടുന്ന കഴിവുകൾ അത് വെറും കഴിവല്ല ദൈവം കൊടുക്കുന്ന വരം തന്നെയാ …. ”

അയാളതും പറഞ്ഞ് പതിയെ തിരിഞ്ഞ് നടന്നു ….. പക്ഷെ ആ ചിത്രത്തിൽ തന്നെ നോക്കി എല്ലാം മറന്ന് നിന്ന അവൾ അയാൾ പറഞ്ഞ അവസാന വാക്കുകൾ ശരിയായ രീതിയിൽ കേട്ടില്ല , അതിന് വലിയ ശ്രദ്ധകൊടുത്തില്ല .