💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

അജുവിന്റെ മുഖത്തെ ഭാവം കണ്ടതും യദു അപേക്ഷ മട്ടിൽ ചോദിച്ചു . ഒടുവിൽ യദുവിന്റെ വാശി തന്നെ ജയിച്ചു ……

അഹാന തന്നെയാണ് കാറ് ഡ്രൈവ് ചെയ്തത് , മുന്നിലെ സീറ്റിൽ ദേവുവും പുറകിൽ അജുവും യദുവും കയറി …. അജു ഒന്നും സംസാരിക്കാതെ എന്തോ ആലോചന മട്ടിലാണ് കാറിൽ ഇരുന്നത് …. യദുവും ദേവും തമ്മിൽ ഓരോന്ന് കളിയാക്കി സംസാരിച്ചിരുന്നു ഇടയ്ക്ക് അഹാനയും .

അരമണിക്കൂറത്തെ യാത്രയ്ക്കൊടുവിൽ അവർ ബീച്ചിന് സമീപത്തെ ആ പഞ്ചനക്ഷത്ര ഹോട്ടലുകൾക്ക് തുല്യമായ ആ വലിയ ഹോട്ടലിന് മുന്നിലെത്തി , നേരെ അവിടുത്തെ റെസ്റ്റോറന്റിലേയ്ക്ക് കയറി …. അവിടെ ഇരുന്നാൽ മുന്നിലായി കടലിലെ കാഴ്ചകൾ മുഴവൻ കാണാം …. അവർ നാല് പേരും ഒരു ടേബിളിന് ചുറ്റും ഇരുന്നു …. ടൂറിസ്റ്റ് കേന്ദ്രമായതിനാൽ എല്ലാ വിധ ഫുഡും അവിടെ ലഭിക്കുമായിരുന്നു …. വലിയ തിരക്കോ ബഹളമോ ഒന്നുമില്ല ….

” നിങ്ങൾക്കെന്താ വേണ്ടതെന്ന് വച്ചാൽ ഓർഡർ ചെയ്തോ …. ”

അഹാന ഉടനെ പറഞ്ഞു ….

” ടാ … നിനക്കെന്താ വേണ്ടത് …. ? ”

മുന്നിലിരുന്ന മെനു കാർഡ് എടുത്ത് നോക്കുന്നതിനിടയിൽ യദു അജുവിനോട് ചോദിച്ചു …. അത് കേട്ടതും ആദ്യം അജു ഒന്ന് പുഞ്ചിരിച്ചു ….

” ഞാനാദ്യമേ പറഞ്ഞില്ലേ ഞാൻ വരുന്നില്ല എനിക്കൊന്നും വേണ്ട എന്ന് , ഞാൻ രാവിലെ പറഞ്ഞതൊക്കെ നീ മറന്നോ യദൂ …. ? ആ …. എന്തായാലും ഞാനായിട്ട് നിങ്ങളുടെ സന്തോഷം കളയുന്നില്ല , എനിക്കെന്തായാലും മതി …… എനിക്ക് പ്രതേകിച്ച് ഇഷ്ടമൊന്നുമില്ല …. ഈ ലിസ്റ്റിൽ കാണുന്ന പലതും ഞാൻ കേട്ടിട്ട് പോലുമില്ല … ”