💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

പെട്ടെന്ന് ഒരാളുടെ മുഖം അവളുടെ കണ്ണിലുടക്കി …. ആ മുഖം കണ്ടതും അവളുടെ ശ്വാസഗതി വർദ്ധിച്ചു . ദേഷ്യം കൊണ്ട് കണ്ണുകളിൽ ചുവപ്പ് നിറം പടർന്നു , മുഷ്ടികൾ ചുരുട്ടിപ്പിടിച്ചു , അവളുടെ ഞരമ്പുകൾ വലിഞ്ഞ് മുറുകി . ഹൃദയ താളം വേഗത്തിലാവുന്നത് അവളറിഞ്ഞു . ശരീരം മുഴുവൻ വിയർപ്പ് കണങ്ങൾ പൊടിഞ്ഞു …. ഒന്നനങ്ങാൻ പോലും കഴിയാതെ നിശ്ചലമായിപ്പോയ അവസ്ഥയിലായിരുന്നു അവൾ .

പെട്ടെന്ന് കണ്ണിന്റെ കാഴ്ച മങ്ങുന്നതായവൾക്ക് തോന്നി , ശരീരത്തിലെ ശക്തി മുഴുവൻ ചോർന്ന് പോകുന്ന പോലെ , കൈ കാലുകൾ തളരുന്നതു പോലെ …. ബോധം മങ്ങി നിലത്ത് വീഴാൻ പോയതും അഹാന വേഗം തൊട്ടടുത്ത് നിന്ന അജുവിന്റെ വലത് കയ്യിൽ മറുക്കെ പിടിച്ച് താങ്ങി നിൽക്കാൻ ശ്രമിച്ചു . ആരോ പെട്ടെന്ന് തന്റെ കയ്യിൽ പിടിച്ചതായി തോന്നി അജു മുഖം തിരിച്ചു നോക്കിയപ്പോഴാണ് തന്റെ തൊട്ടടുത്ത് തന്റെ കയ്യിൽ പിടിച്ച് അഹാന നിൽക്കുന്നത് അവൻ കണ്ടത് . പക്ഷെ അവളുടെ മുഖഭാവത്തിൽ മാറ്റമുള്ളത് പോലെ , തന്റെ കയ്യിൽ പിടിച്ച് നിവർന്ന് നിൽക്കാൻ അവൾ ശ്രമിക്കുന്നത് പോലെയാണ് അവന് തോന്നിയത് .

ബോധം പൂർണ്ണമായും മായുന്നത് പോലെ തോന്നിയതും അജുവിന്റെ കയ്യിൽ പിടിച്ചിരുന്ന അവളുടെ കൈയ്യുടെ പിടിത്തം അയഞ്ഞു , അവൾ ബോധമറ്റ് കടൽപ്പുറത്തെ മണലിലേയ്ക്ക് മറഞ്ഞ് വീഴാൻ പോയതും അജു വേഗം അവളെ വട്ടം പിടിച്ച് ഉയർത്തി നിർത്തി തന്റെ നെഞ്ചോട് ചേർത്തു . പക്ഷെ അപ്പോഴേയ്ക്കും അവളുടെ കണ്ണുകൾ അടഞ്ഞ് ബോധം പൂർണ്ണമായും നഷ്ടപ്പെട്ടിരുന്നു ….