💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

📞⇐ “മ് …. ഞാൻ വയ്യാതെ കിടന്നാൽ എപ്പോഴെങ്കിലുമൊന്ന് വിളിച്ച് തിരക്കിയാലായി , ആ നീ ഇപ്പൊ മിനിട്ട് വച്ച് അവളുടെ കാര്യം തിരക്കുന്നോ ….. ? ”

ചിരി നിറഞ്ഞ ഭാവത്തോടെ എന്നാൽ ദേഷ്യ സ്വരത്തിൽ ദേവു ഫോണിലൂടെ പറഞ്ഞ ശേഷം അഹാനയെ നോക്കി കണ്ണിറുക്കി കാണിച്ചു . അവൾ പറയുന്നതൊക്കെ കേട്ട് ചിരി അടക്കിപ്പിടിച്ചിരിക്കുകയാണ് അഹാനയും ….

📞⇒” എടീ ….. ഇനി അതിൽ പിടിച്ച് കയറിക്കോ …. നേരത്തെ അവളുടെ ശബ്ദം കേട്ടില്ലല്ലോ അതാ വീണ്ടും വിളിച്ചത് ….. ”

യദു നിസ്സഹായതയോടെ പറഞ്ഞു ….

📞⇐ ” അപ്പൊ ഞാൻ പറഞ്ഞത് നിനക്ക് വിശ്വാസമില്ല അല്ലേ …. അവളുടെ ശബ്ദം കേട്ടാലെ നീ വിശ്വസിക്കൂ … ”

വീണ്ടും അൽപ്പം ദേഷ്യഭാവം കലർത്തി ദേവു പറഞ്ഞു . പക്ഷെ ഏത് നിമിഷവും ചിരി പൊട്ടുമെന്ന അവസ്ഥയിലാണ് ദേവുവും ഇതൊക്കെ കേട്ടിരിക്കുന്ന അഹാനയും .

📞⇒” എല്ലാവരും കൂടി എന്നെ കൊല്ല് ….. വിളിച്ചപ്പൊ തർക്കുത്തരം പറയാൻ അവിടെ ഒരുത്തി , ഒരു പ്രാവാശ്യം വിളിച്ചിട്ടും അത് തൃപ്തി വരാതെ വീണ്ടും വീണ്ടും ഫോൺ ചെയ്യാൻ എന്നോട് പറയുന്ന വേറെ ഒരുത്തൻ ഇവിടെ , എല്ലാം കൂടി എന്നെയങ്ങ് കൊല്ല് … ഇവിടെ ഒരുത്തനാണെങ്കിൽ അവളുടെ ശബ്ദം കേൾക്കാതെ ഉറങ്ങാൻ പറ്റില്ല എന്ന അവസ്ഥയിലാ …. ഇനി ഫോൺ ചെയ്യില്ല എന്ന് ഞാൻ പറഞ്ഞാൽ അവന്റെ വക മുട്ട് കാല് തല്ലി ഒടിക്കുമെന്ന ഭീഷണി വേറെ …. ഫോണ് വിടടാ …. ഞാൻ ബാക്കി കൂടി പറയട്ടെ …. എടാ അജു ഫോണ് ….. ടാ … വിടെടാ ………. ടാ അജൂ ….. ”