💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

” അത് മതി …. ”

യദു പറഞ്ഞതിന് പിന്തുണ പ്രഖ്യാപിച്ചു കൊണ്ട് ദേവുവും ഉടനെ അഭിപ്രായം പറഞ്ഞു ….

” ശരി … അപ്പൊ ലൻജ് ബ്രേക്കിന് നമുക്കിറങ്ങാം … ”

അഹാന യദുവിനോട് പറഞ്ഞ ശേഷം ദേവുവിനെയും കൂട്ടി തിരികെ ക്ലാസ്സിലേയ്ക്ക് പോയി … ഒരോന്ന് സംസാരിച്ചിരുന്ന് ഒടുവിൽ ഇന്റർവെൽ കഴിഞ്ഞപ്പൊ അവരും ക്ലാസ്സിലേയ്ക്ക് മടങ്ങി .

ഉച്ചയ്ക്ക് ലൻജ് ബ്രേക്കിനുള്ള സമയമായതും യദു ബാഗുമെടുത്ത് സീറ്റിൽ നിന്നും എണീറ്റു …

” നീ വരുന്നില്ലേ ….. ? ”

സീറ്റിൽ തന്നെയിരിക്കുന്ന അജുവിനോട് യദു ചോദിച്ചു …

” എവിടേയ്ക്ക് …. ? എന്തിന് ? ”

ഒരു പുഞ്ചിരിയോടെ അജു പറഞ്ഞ ശേഷം തന്റെ കയ്യിലിരിക്കുന്ന പുസ്തകത്തിലേയ്ക്ക് നോട്ടം മാറ്റി …

ഇത് കണ്ട യദു ബാഗ് വേഗം ഡെസ്കിന്റെ പുറത്ത് വച്ച ശേഷം അഹാനയുടെ അടുത്ത് പോയി എന്തൊക്കെയോ സംസാരിച്ചു ശേഷം അവൻ തിരികെ അജുവിന്റെ അടുത്തേയ്ക്ക് മടങ്ങി വന്നു പുറകെ അഹാനയും ദേവുവും ….

” അതെ ….. ഇന്ന് എന്റെ ബർത്ത്ഡേയാണ് യദുവിന്റെ ഒപ്പം വരണം ….. ”

അജുവിന്റെ മുന്നിലെത്തിയതും അഹാന അവനെ നോക്കി പറഞ്ഞു ….

” ഞാനെങ്ങോട്ടുമില്ല …. ”

അജു അവളെ ശ്രദ്ധിക്കാത്ത മട്ടിലങ്ങനെ പറഞ്ഞു ….