💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

” യദു ( ദേവു ) ”

ദേവു ഡിസ്പ്ലേയിൽ എഴുതിയിരുന്നത് ഉറക്കെ വായിച്ച ശേഷം അഹാനയുടെ മുഖത്തേയ്ക്ക് നോക്കി .

” കൊള്ളാമല്ലോ നീ …. ”

ദേവു അതും പറഞ്ഞ് കോൾ എടുത്ത് സ്പീക്കറിലിട്ടു .

📞⇒” ഹലോ അഹാന …. ഇപ്പൊ എങ്ങനെയുണ്ട് …. ? ”

കോൾ എടുത്തതും ഫോണിന്റെ മറുവശത്ത് നിന്ന് യദു ചോദിച്ചു .

📞⇐ ” എന്താടാ നിനക്ക് വേറെ പണിയൊന്നുമില്ലേ . വീട്ടിലെത്തിയതും തുടങ്ങിയല്ലേ പെൺപിള്ളേരെ ഫോൺ ചെയ്ത് ശല്യം ചെയ്യാൻ …. ”

ഉടനെ ദേവു അൽപ്പം ഗൗരവത്തോടെ മറുപടി പറഞ്ഞു . അത് കേട്ടതും അഹാനയ്ക്ക് ചിരിയാണ് വന്നത് …

📞⇒” ഇത് അഹാനയുടെ നമ്പരല്ലേ …. നീയെന്താടി ഇതില് . നിനക്ക് വീടും കുടിയുമൊന്നുമില്ലേ … ? ”

ദേവികയാണ് സംസാരിച്ചതെന്ന് മനസ്സിലായതും യദു ചോദിച്ചു .

📞⇐ ” തൽക്കാലത്തേയ്ക്ക് ഞാൻ വീടും കുടിയുമെല്ലാം ഇങ്ങോട്ട് ഷിഫ്റ്റ് ചെയ്തു . മോൻ വിളിച്ച കാര്യം പറ …. ”

📞⇒” അഹാനയ്ക്ക് ഇപ്പൊ എങ്ങനെ ഉണ്ടെന്നറിയാൻ വിളിച്ചതാ . ഞങ്ങളിപ്പൊ വീട്ടിൽ എത്തിയതേ ഉള്ളൂ …. ”

യദു മറുപടി പറഞ്ഞു .