💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

പിന്നീട് ക്ലാസ്സിലെ മൊത്തം പിള്ളേരുടെ മുന്നിൽ വച്ച് അവൻ നിന്നെ പ്രപ്പോസ് ചെയ്തപ്പോ നിന്നെ എല്ലാവരുടെയും മുന്നിൽ വച്ച് കളിയാക്കാനും പകരം വീട്ടാനും അവൻ മന:പൂർവ്വം അങ്ങനെ ചെയ്തതാണെന്ന് നീ തെറ്റിദ്ധരിച്ച് വീണ്ടും അവന്റെ കരണത്തടിച്ചു . ഒടുവിൽ അവൻ നിന്റെ ചിത്രം വരച്ചത് കണ്ട് ദേഷ്യം തോന്നി അവന്റെ ആ ഡ്രോയിംഗ് ബുക്ക് മുഴുവൻ നീ വലിച്ച് കീറി …. നീ തെറ്റ് ചെയ്തെന്ന് ഞാൻ പറയില്ല , പക്ഷെ നീ അവനെ കുറിച്ച് അന്ന് ചിന്തിച്ചതൊക്കെ തെറ്റായിരുന്നു … മ് … ദാ നിന്റെ ഫോൺ … യദുവിനെ വിളിച്ച് ഒരു കുഴപ്പവുമില്ല എന്ന് നീ തന്നെ പറ … അല്ലെങ്കിൽ അവൻ പറഞ്ഞത് പോലെ ആ പാവം ഇന്ന് ഉറങ്ങിയെന്ന് വരില്ല …. ”

ദേവു അതും പറഞ്ഞ് ഫോൺ അഹാനയ്ക്ക് നേരെ നീട്ടി …. അവൾ അൽപ്പം മടിയോടെ ഫോൺ കയ്യിൽ വാങ്ങി ….

” അച്ചൂ നീ നിന്റെ ഈഗോയും മറ്റും മാറ്റിവയ്ക്ക് … തെറ്റ് പറ്റിയെന്ന് മനസ്സിൽ തോന്നിയാൽ തിരുത്തണം … നീ അവനോട് ചെയ്ത തെറ്റിനും അവന്റെ സ്നേഹത്തെ നിസ്സാരമായി കണ്ടതിനും ഒരു പരിഹാരമേ ഉള്ളൂ … നീയും അവനെ തിരിച്ച് സ്നേഹിക്കണം … നിനക്ക് ഒരു ശല്യവും ചെയ്യില്ല എന്ന് വാക്ക് തന്നിട്ട് ഇപ്പോഴും മനസ്സിൽ നിന്നെ ഒത്തിരി സ്നേഹിക്കുന്ന അവനെ നീ ഇനിയും കണ്ടില്ല എന്ന് നടിക്കരുത് , അത് നീ ജീവിതത്തിൽ ചെയ്യുന്ന ഏറ്റുവും വലിയ തെറ്റായി നിനക്ക് പിന്നീട് തോന്നും അപ്പോഴേയ്ക്കും അത് തിരുത്താൻ പറ്റിയെന്ന് വരില്ല …. ”

ദേവു അവളുടെ കയ്യിൽ പിടിച്ചുകൊണ്ട് പറഞ്ഞു .

” മ് ഞാൻ വിളിക്കാം …… ”

അഹാന മെല്ലെ പറഞ്ഞു …..