💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

ഒടുവിൽ ഫോൺ പിടിച്ച് വാങ്ങുന്ന ബഹളങ്ങളും കേട്ട് അവസാനം കോൾ കട്ടാവുകയും ചെയ്തു …. യദുവിന്റെ ദയനീയമായ സംസാരം കേട്ട് പൊട്ടിച്ചിക്കുകയാണ് ദേവികയും അഹാനയും …..

” ഹ…… ഹ….. എനിക്കിനി ചിരിക്കാൻ വയ്യ …. എന്നാലും ആ പാവം യദുവിനെ ഇങ്ങനെ വട്ടാക്കണ്ടായിരുന്നു ….. ”

നെഞ്ചിൽ കൈ വച്ച് ചിരി അടക്കിപ്പിടിച്ചു കൊണ്ട് അഹാന പറഞ്ഞു …

” ജെസ്റ്റ് ഫോർ എ രസം ….. ”

അതും പറഞ്ഞ് ദേവുവും പൊട്ടി ചിരിച്ചു ….

” അപ്പൊ അതാണ് കാര്യം ….. ഞാനും ആലോചിച്ചു യദു നിന്നെ വിളിച്ച് സുഖവിവരം അന്വേഷിക്കുമോ എന്ന് . ഇപ്പൊ പിടി കിട്ടി അജു ഇരുപ്പുറയ്ക്കാതെ അവനെക്കൊണ്ട് വിളിപ്പിക്കുന്നതാ , അവൻ നേരിട്ട് വിളിക്കില്ല , നിനക്ക് വാക്ക് തന്നതല്ലേ ഇനി നിന്നെ ശല്യം ചെയ്യില്ല എന്ന് ….. ”

ദേവിക അത് പറഞ്ഞതും അഹാനയുടെ മുഖത്തെ പുഞ്ചിരി മാഞ്ഞു , വാടിയ മുഖത്തോടെ അവൾ ദേവുവിനെ നോക്കി .

” എനിക്ക് മനസ്സിലാവും അച്ചൂ …. അന്ന് മാളിൽ വച്ചാ ആദ്യമായി അവനെ കണ്ടത് , മുഖം പോലും നേരെ കാണുന്നതിന് മുൻപ് നീ അവന്റെ കരണത്തടിച്ചു , പക്ഷെ അന്നത് ആള് മാറി സംഭവിച്ചതാണെന്ന് എനിക്കറിയാം . പിന്നീട് ഈ തല്ലിയതിന് കോളേജ് കാന്റീനിൽ വച്ച് നീ സോറി പറയാൻ പോയി അന്നും നിങ്ങൾ രണ്ടും തമ്മിൽ ഓരോന്ന് പറഞ്ഞ് ഉടക്കായി .