💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

” ബീച്ചിൽ വച്ച് ഞാനവനെ കണ്ടു … ആ പ്രണവിനെ …. പ്രതീക്ഷിക്കാതെ മുന്നിൽ കണ്ടപ്പോൾ പഴയതൊക്കെ ഓർമ്മ വന്നു , പിന്നെ അവനോടുള്ള ദേഷ്യവും സങ്കടവും എല്ലാം കൂടി മനസ്സ് കൈ വിട്ട് പോയി ….. ”

അവൾ പതിയെ മറുപടി പറഞ്ഞു ….

” അപ്പൊ അതാണ് കാരണം … ഞാൻ പലതവണ പറഞ്ഞതല്ലേ വെറുതെ ടെൻഷനടിക്കുകയോ പേടിക്കുകയോ ഒന്നും ചെയ്യരുതെന്ന് . ഡോക്ടറും അത് തന്നെയല്ലേ പറഞ്ഞിട്ടുള്ളത് . പാനിക്കായി മനസ്സിന്റെ പിടിവിട്ട് പോയത് കൊണ്ട് തന്നെയാ നിനക്കിപ്പൊ ഇങ്ങനെ വന്നത് , കൺട്രോൾ യോഴ്സെൽഫ് . ഇനിയെങ്കിലും അതൊക്കെ മനസ്സിൽ വയ്ക്കാതെ മറന്നുകള , ഇത്രയും കാലമായില്ലേ . എന്നിട്ട് ഫ്രഷായി ഇനിയുള്ളതിനെ പറ്റി ചിന്തിക്ക് …. ”

” ഇനിയുള്ള എന്തിനെ പറ്റി …. ? ”

അഹാന അവളോട് ചോദിച്ചു …

” വേറെ ആരെ , അജുവിനെ പറ്റി തന്നെയാ …. ”

ദേവു ഒരു പുഞ്ചിരിയോടെ പറഞ്ഞു :

” ഒന്ന് പോടീ ….. ”

അഹാന അതും പറഞ്ഞ് ചുവരിലെ ആ ചിത്രത്തിലേയ്ക്ക് നോക്കിയിരുന്നു .

” എടീ ഞാൻ വെറുതെ പറഞ്ഞതല്ല …. മ് … നിനക്ക് ബീച്ചിൽ നിന്ന് നിന്റെ ഹോസ്പിറ്റൽ വരെ കാറ് ഡ്രൈവ് ചെയ്യാൻ എത്ര
സമയമെടുക്കും …. ”

ദേവു ഒരു കൗതുകത്തോടെ അവളോട് ചോദിച്ചു

” മിനിമം അര മണിക്കൂർ അതും ട്രാഫിക്കില്ലെങ്കിൽ മാത്രം . അല്ലെങ്കിൽ സമയം കൂടുതൽ എടുക്കും …. എന്താ …. കാര്യം ? ”

അഹാന കാര്യം തിരക്കി ….