💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

ദേവു ഉടനെ മറുപടി പറഞ്ഞു …. അത് കേട്ടതും ഒരാശ്വാസത്തോടെ അജു തൊട്ടടുത്ത ചെയറിൽ ഇരുന്നു അടുത്തായി യദുവും . ദേവു അത് പറഞ്ഞ ശേഷം തിരികെ അകത്തേയ്ക്ക് കയറി പോയി ….

രണ്ട് മണിക്കൂർ കഴിഞ്ഞതും ദേവു വീണ്ടും പുറത്തേയ്ക്ക് വന്നു .

” നിങ്ങൾക്ക് അവളെ കാണണമെങ്കിൽ അകത്തേയ്ക്ക് വന്നോ …. അവൾ ഇപ്പൊ ഓക്കെയാണ് …. ”

ദേവിക വന്ന് പറഞ്ഞതും അജുവും യദുവും അകത്തേയ്ക്ക് കയറി …. ബെഡിൽ ചാരിയിരിക്കുന്ന അവൾ അവരെ കണ്ടതും ഒന്ന് പുഞ്ചിരിച്ചു മറുപടിയായി അവരും …

” ഇപ്പൊ ഓക്കെയല്ലേ ? ”

യദു ചോദിച്ചതും അവൾ അതെ എന്ന രീതിയിൽ തലയാട്ടി ….. അജു ഒന്നും പറയാതെ അവളെ തന്നെ നോക്കി മിണ്ടാതെ നിന്നു .

” ഞങ്ങളാകെ അങ്ങ് പേടിച്ച് പോയി …. ”

ഒരു ദീർഘനിശ്വാസത്തോടെ യദു മറുപടി പറഞ്ഞു , അത് കേട്ടതും അഹാന ഒന്ന് പുഞ്ചിരിച്ചു … അപ്പോഴേയ്ക്കും ഡോക്ടറുടെ റൂമിൽ നിന്ന് മഹേന്ദ്രനാഥ് അവിടേയ്ക്ക് വന്നു ….

” എന്നാൽ നമുക്ക് വീട്ടിലേയ്ക്ക് പോയാലോ ? ”

മഹേന്ദ്രനാഥ് പറഞ്ഞതും ദേവു അഹാനയെ പതിയെ ബെഡ്ഡിൽ നിന്നും താഴെയിറങ്ങാൻ സഹായിച്ചു ….

” മോനെ അജൂ നിങ്ങളെ എവിടെയാക്കണം …. ? ”

ഹോസ്പിറ്റലിന്റെ എൻട്രൻസിൽ എത്തിയതും മഹേന്ദ്രനാഥ് ചോദിച്ചു ….