💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

 

 

                           …………………………

 

 

” ഹോ ജസ്റ്റ് മിസ്സ് , അല്ലായിരുന്നേൽ എന്റെ ഫോണ് നിലത്ത് വീണ് പപ്പടം പൊട്ടുന്ന പോലെ പൊട്ടിയേനെ … ”

ഫോണ് മുറുക്കെ പിടിച്ചു കൊണ്ട് യദു പറഞ്ഞു …

 

” നിന്നോടാരാ ഫോണിൽ കൂടി ഞാൻ പറഞ്ഞിട്ടാ വിളിച്ചതെന്ന് പറയാൻ പറഞ്ഞത് …. ?”

അജു അൽപം ദേഷ്യഭാവത്തിൽ ചോദിച്ചു …

 

” ദേവു പറഞ്ഞത് നീയും കേട്ടതല്ലേ …. ഞാൻ വെറെന്ത് പറയാനാ …. എല്ലാം കൂടി എന്നെ വട്ടാക്കാനായിട്ട് …. ”

യദു അതും പറഞ്ഞ് ചെയറിൽ ചെന്നിരുന്നു ….
അപ്പോഴേയ്ക്കും അവന്റെ ഫോൺ ബെല്ലടിച്ചു , അവൻ ഫോണിന്റെ ഡിസ്പ്ലേയിലേയ്ക്ക് നോക്കി
‘ അഹാന ‘

 

” ടാ ….. അഹാന വിളിക്കുന്നു …. ”
യദു ഉടനെ അജുവിനോട് പറഞ്ഞു

 

” അത് ദേവു ആയിരിക്കും . ”

അജു ഒരു താൽപര്യമില്ലാത്ത മട്ടിൽ പറഞ്ഞു … യദു ഒന്നാലോചിച്ച ശേഷം കോൾ എടുത്തു ..

 

📞⇐” ഹലോ ”

 

📞⇒ ” ഹലോ , യദു ഞാൻ അഹാനയാണ് … ഫോണൊന്ന് സ്പീക്കർ മോഡിലിടുമോ . ? ”

അഹാന പറഞ്ഞതും യദു ഫോൺ സ്പീക്കർ മോഡിലിട്ടു .

 

📞⇐ ” പറഞ്ഞോളൂ അഹാന ”

യദു ഉടനെ പറഞ്ഞു …. അവൾ എന്തിനാണ് ഫോൺ സ്പീക്കർ മോഡിലിടാൻ പറഞ്ഞു എന്ന സംശയത്തിലാണ് യദു . ഫോണിൽ അഹാനയാണെന്നറിഞ്ഞതും അജു വേഗം ഫോണിന്റെ അടുത്തായി വന്ന് നിന്നു …

 

📞⇒ ” ഞാൻ ഇപ്പൊ ഓക്കെയാണ് , കുഴപ്പമൊന്നുമില്ല . ദേവുവും എന്റെ കൂടെയുണ്ട് … പിന്നെ യദു , എന്നെ കുറിച്ച് ആലോചിച്ച് ടെൻഷനടിച്ചിരിക്കുന്ന ആളിനോട് പറഞ്ഞേയ്ക്ക് എനിക്ക് വേറെ പ്രശ്നമൊന്നുമില്ല എന്ന് .