💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

 

 

” ഓരോന്ന് ചോദിച്ച് നിൽക്കാതെ വരുന്നേൽ കൂടെ വാ …. ”

അജു പറഞ്ഞത് കേട്ടതും യദുവും വേഗം വേഷം മാറി … അവർ ഡോറ് പൂട്ടി പുറത്തിറങ്ങി , അജു ബുള്ളറ്റെടുത്തതും യദു പുറകിൽ കയറി ….

 

” ടാ ….. ഈ രാത്രി എവിടേയ്ക്കാ ….. ? ”

യദു അവനോട് ചോദിച്ചു .

 

” ഒന്ന് അടങ്ങിയിരിയെടാ ….. ”

അജു അതും പറഞ്ഞ് ബുള്ളറ്റിന്റെ സ്പീഡ് കൂട്ടി ….

 

 

                           …………………………

 

 

” നീ എന്താ ഒരു മാതിരി വളച്ച് തിരിച്ച് പറഞ്ഞത് … നേരെ പറഞ്ഞാൽ പോരായിരുന്നോ ഇഷ്ടമാണെന്ന് …. ഇനി അവനത് മനസ്സിലായി കാണുമോ എന്തോ ? മനസ്സിലായെങ്കിൽ അജുവിനിന്ന് ഇരിക്കപ്പൊറുതി കിട്ടുമെന്ന് തോന്നുന്നില്ല …. ”

ദേവു ഒരു പുഞ്ചിരിയോടെ പറഞ്ഞു .

 

അൽപ്പ സമയം കഴിഞ്ഞതും …..

 

ഒരു ബുള്ളറ്റിന്റെ ശബ്ദം കേട്ടെന്ന് തോന്നി അഹാന വേഗം ബെഡ്ഡിൽ നിന്നും താഴെ ഇറങ്ങി ….

 

” നീയിതെങ്ങോട്ടാ …. ? ”

ദേവു ചോദിച്ചതും കൂടെ വരാൻ ആംഗ്യം കാണിച്ച ശേഷം അഹാന മുറിയോട് ചേർന്ന ബാൽക്കണി ലക്ഷ്യമാക്കി നടന്നു ….

 

ബാൽക്കണിയിലെ ഡോറ് തുറന്ന് അഹാന പുറത്തേയ്ക്ക് നോക്കി . അവിടെ നിന്നാൽ വീട്ടിനുമുന്നിലെ റോഡ് വ്യക്തമായി കാണാൻ കഴിയും . റോഡിലേയ്ക്ക് നോക്കി നിൽക്കുന്ന അഹാനയുടെ അടുത്തായി ദേവു വന്ന് നിന്നു …..

 

” എന്താ അച്ചൂ ….. ? ”