💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

” അത് കുഴപ്പമില്ല അങ്കിളെ , ബൈക്ക് കോളേജിൽ ഇരിക്കുവാ ഞങ്ങൾ ഒരു ഓട്ടോ പിടിച്ചു പൊയ്ക്കോളാം …. ”

അജു മറുപടി പറഞ്ഞു അപ്പോഴേയ്ക്കും യദു ചെന്ന് കാറിൽ നിന്ന് അവരുടെ ബാഗുകൾ എടുത്ത് വന്നു ….

ഡ്രൈവർ കാറ് കൊണ്ട് വന്ന് മുന്നിൽ നിർത്തിയതും അഹാനയും ദേവുവും പുറകിൽ കയറി … പുഞ്ചിരിയോടെ അജുവിനെയും യദുവിനെയും നോക്കി അജുവിന്റെ തോളിൽ ഒന്ന് തട്ടിയ ശേഷം മഹേന്ദ്രനാഥും കാറിൽ കയറി , ഡ്രൈവർ കാറ് മുന്നോട്ടെടുത്തു ….

അജുവും യദുവും ഒരു ഓട്ടോയിൽ കോളേജിൽ എത്തിയ ശേഷം ബുള്ളറ്റുമെടുത്ത് വീട്ടിലേക്ക് തിരിച്ചു ….

                           …………………………

അഹാന തന്റെ റൂമിലെ ബെഡ്ഡിലങ്ങനെ ചാരിയിരിക്കുകയാണ് . ദേവു ഫ്രഷായി ഡ്രസ്സൊക്കെ മാറി ബാത്ത് റൂമിൽ നിന്നും അപ്പോഴേയ്ക്കും പുറത്ത് വന്നു .

” നിന്റെ അച്ഛനോ അമ്മയോ ഒന്നും
പറഞ്ഞില്ലേ ദേവൂ …. ? ”

ദേവികയെ കണ്ടതും അഹാന ചോദിച്ചു .

” എന്ത് പറയാൻ . ഞാൻ അവിടെ നിന്നാലും ഇവിടെ നിന്നാലും ഒരുപോലെയല്ലേ …. എന്തായാലും കുറച്ച് ദിവസം ഞാനിവിടെ നിന്റെ ഒപ്പം ഉണ്ടാകും , നീ സഹിച്ചേ പറ്റൂ …. ”

ദേവിക അതും പറഞ്ഞ് അവളുടെ അടുത്തായി ചെന്നിരുന്നു . അപ്പോഴേയ്ക്കും അഹാനയുടെ ഫോണിലേയ്ക്ക് ഒരു കോൾ വന്നു … ദേവു ഫോണെടുത്ത് നോക്കി ….