💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

📞⇐ ” അവൾക്ക് ഒരു കുഴപ്പവുമില്ല . പെർഫെക്ട് ഒക്കെ …. മോൻ ഫോൺ വെച്ചിട്ട് പോയി വല്ല ജോലിയും നോക്ക് … ശരി ബൈ …. ”

ദേവു അതും പറഞ്ഞ് വേഗം കോൾ കട്ട് ചെയ്തു ….

” നീ എനിക്ക് എന്താണെന്നാ അവരോട് പറഞ്ഞത് …. ? ”

അഹാന പതിയെ ദേവുവിനോട് ചോദിച്ചു ….

” അത് . ബ്ലഡ് പ്രഷർ വേരിയേഷൻ വന്നതെന്ന് നുണ പറഞ്ഞു ….. ഞാനാകെ അങ്ങ് പേടിച്ചു പോയി …. നിനക്കിതു പോലെ മുൻപും വന്നിട്ടുണ്ടെങ്കിലും ഇങ്ങനെ ഒരു അനുഭവം ആദ്യമായിട്ടാ … അതും പൂർണ്ണമായും ബോധമൊക്കെ നഷ്ടപ്പെട്ട് …. ”

” ആയുസ്സ് അവസാനിക്കാൻ പോകുവല്ലേ അതു കൊണ്ടാകും …. ”

അഹാന ഒരു പുഞ്ചിരിയോടെ പറഞ്ഞു …
അത് കേട്ടതും ദേവു അൽപ്പം ദേഷ്യത്തോടെ അവളെ നോക്കി …..

” ഇനി നീ ഇങ്ങനത്തെ വർത്തമാനം പറഞ്ഞാൽ നിന്റെ മൂക്കിടിച്ച് ഞാൻ പരത്തും …. ഞാൻ നിന്നോട് പലവട്ടം പറഞ്ഞു വെറുതെയെങ്കിലും ഇങ്ങനെ ഓരോന്ന് പറയരുതെന്ന് …. ഡോക്ടർമാർ അൽപ്പ ബുദ്ധികൊണ്ട് ഓരോന്ന് പറയുന്നു എന്ന് കരുതി , അതൊക്കെ തീരുമാനിക്കുന്നത് ഈശ്വരനാ … പുള്ളിക്കാരൻ നോക്കിക്കോളും നിന്നെ . ”

ദേവിക അൽപ്പം ദേഷ്യത്തോടെ മറുപടി പറഞ്ഞു . അഹാന വെറുതെ ഒരു പുഞ്ചിരിയോടെ അതൊക്കെ കേട്ടിരുന്നു ….

” എന്താടീ പെട്ടെന്ന് ഇങ്ങനെ വരാൻ കാരണം …. മെഡിസിൻ നീ മുടക്കിയിട്ടില്ല പിന്നെ എങ്ങനെയാ ….? ”

ദേവിക അത് ചോദിച്ചതും അഹാന അവളെ ഒന്ന് നോക്കി ….