💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

” ആഹാ കൊള്ളാമല്ലോ മോളുടെ മനസ്സിലിരുപ്പ് . ആ പാവം യദുവിനെ വഴിയാധാരമാക്കുമോ ? ”

അഹാന ഒരു പുഞ്ചിരിയോടെ അവളോട് ചോദിച്ചു …

” ഞാൻ വെറുതെ തമാശയ്ക്ക് പറഞ്ഞതാ …. നിങ്ങൾ തന്നെയാ മാച്ച് അഹാന അർജുൻ എങ്ങനെയുണ്ട് …. ”

ദേവു പറഞ്ഞതും അഹാന ഒരു പുഞ്ചിരിയോടെ എല്ലാം കേട്ടിരുന്നു .

അപ്പോഴേയ്ക്കും അഹാനയുടെ ഫോണിലേയ്ക്ക് വീണ്ടും കോൾ വന്നു …. ദേവു തന്നെ വീണ്ടും ഫോണെടുത്ത് നോക്കി ….

” പിന്നേം യദുവാണല്ലോ …. ”

ദേവിക അതും പറഞ്ഞ് കോളെടുത്ത ശേഷം സ്പീക്കറിലിട്ടു പറയുന്നത് അഹാനയ്ക്ക് കൂടി കേൾക്കാനായി .

📞⇐ ” എന്താടാ നിനക്ക് വേറെ പണിയൊന്നുമില്ലേ …. ഇപ്പൊ എന്തിനാ വിളിച്ചേ …. ? ”

ദേവു ഫോണിലൂടെ ചോദിച്ചു .

📞⇒” പിന്നേം നീയോ …..? നീ ഫോണ് അഹാനയുടെ കയ്യിൽ കൊടുത്തേ ….. ”

യദു അവളോട് പറഞ്ഞു …

📞⇐ ” തൽക്കാലം അവളുടെ കയ്യിൽ ഫോൺ കൊടുക്കാൻ എനിക്ക് മനസ്സില്ല … നീ എന്തിനാ വിളിച്ചതെന്ന് പറ ….? ”

ദേവു അൽപ്പം വാശിയോടെ ചോദിച്ചു ….

📞⇒” വിളിച്ചത് ….. അഹാനയ്ക്കിപ്പൊ എങ്ങനെ ഉണ്ടെന്നറിയാൻ വിളിച്ചതാ … എനിക്ക് അവളോടാ സംസാരിക്കേണ്ടത് , നീ ഫോൺ അവളുടെ കയ്യിൽ കൊടുക്ക് …. ”

യദു മറുപടി പറഞ്ഞു ….