💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

” എന്താ ഇത്ര ഗൗരവം , എന്നോട് ഒരു വാക്ക് ചോദിക്കാതെ എന്റെ റൂമിൽ കയറി ചിത്രമൊക്കെ വരച്ച് ആളായതല്ലേ , അപ്പൊ അതിനുള്ള ട്രീറ്റായിട്ട് കണ്ടാൽ മതി . നീ വന്നില്ലെങ്കിൽ യദു വരില്ല എന്നാ പറഞ്ഞത് , യദു വന്നില്ലെങ്കിൽ ദേവുവും വരില്ല …. നിനക്ക് തന്നെ തീരുമാനിക്കാം എന്താ ചെയ്യേണ്ടതെന്ന് …… ”

അഹാന അതും പറഞ്ഞ് തിരികെ സീറ്റിൽ പോയി ഇരുന്നു ….

” ടാ നീ ഒരു മാതിരി മറ്റേടത്തെ പരിപാടി കാണിക്കരുത് …. അവള് വന്ന് വിളിച്ചപ്പൊ എന്താ അവന്റെ ഒരു ഗൗരവം … ഇതിത്തിരി ഓവറാ അജൂ … ”

” ഓവറായോ ….. ? വന്ന് വിളിച്ചാലുടനെ പോയാൽ നമ്മുടെ വില പോവില്ലേ അതാ എയറ്പിടിച്ച് നിന്നത് , എങ്ങനെയുണ്ട് ?”

അജു യദുവിനോട് ചോദിച്ചു .

” പിന്നെ ഭയങ്കര വിലയല്ലേ …. എങ്ങനേലും രണ്ടിനേം ഒന്ന് അടുപ്പിക്കാൻ നോക്കുമ്പോ അതിന്റെ ഇടയിലാ അവന്റെ ഒരു വാശിയും വില നോക്കലും … ഇങ്ങോട്ട് വാടാ …. ”

യദു അതും പറഞ്ഞ് അജുവിനെ വലിച്ചെഴുന്നേൽപ്പിച്ചു ….

” നിങ്ങൾ വാ ഇവൻ വരും …. ”

അഹാനയോട് പറഞ്ഞ ശേഷം യദു അജുവിനെ വലിച്ച് ക്ലാസ്സിന് പുറത്തിറക്കി ….
പാർക്കിങ്ങിൽ പോയി അജു ബുള്ളറ്റെടുക്കാൻ ഒരുങ്ങിയതും ….

” നീ എന്തിനാ വണ്ടിയെടുക്കുന്നേ അവളുടെ കാറിൽ പോവാം , അവൾ തിരികെ ഇവിടെ എത്തിക്കാമെന്ന് പറഞ്ഞിട്ടുണ്ട് ….. എടാ പ്ലീസ് ഒന്ന് സമ്മതിക്കെടാ ….. വല്ലപ്പോഴും ഞാനും ബെൻസിലൊക്കെ ഒന്ന് കേറിക്കോട്ടടാ . ”